Submitted by सुप्रिया जाधव. on 8 August, 2015 - 06:35
सुख-दु:खाची व्याख्या इतकी ढोबळ आहे
दे काही दे, भरली माझी ओंजळ आहे
चन्द्र उगवला, दरवळला अन रात्र गुंगली
दिवसालाही आठवणींची भोवळ आहे
तुला त्रास होतो ज्याचा ते करू नको तू
चूक बरोबर ठरवत बसणे निष्फळ आहे
भरती नंतर ओहोटी येते हे नक्की
त्यानंतर भरती येण्याची अटकळ आहे
काटेरी झाडाला देखिल वेल बिलगते
कळेल नंतर, पोर अजूनी अवखळ आहे !
सांधीमधुनी कोंब नवा फुटलेला पाहुन
कातळावरी विषण्णतेचा ओघळ आहे
-सुप्रिया
विषय:
Groups audience:
Group content visibility:
Public - accessible to all site users
शेअर करा
तुला त्रास होतो ज्याचा ते करू
तुला त्रास होतो ज्याचा ते करू नको तू
चूक बरोबर ठरवत बसणे निष्फळ आहे<<< छान
भरती नंतर ओहोटी येते हे नक्की
त्यानंतर भरती येण्याची अटकळ आहे<<< छान
काटेरी झाडाला देखिल वेल बिलगते
कळेल नंतर, पोर अजूनी अवखळ आहे !<<< वा वा
सांधीमधुनी कोंब नवा फुटलेला पाहुन
कातळावरी विषण्णतेचा ओघळ आहे<<< उत्तम
मस्त गझल
खुप सुन्दर
खुप सुन्दर
आवडली अवखळ छान
आवडली
अवखळ छान
चूक काही नाही! ढोबळ व्याख्या
चूक काही नाही!
ढोबळ व्याख्या अगदी बरोबर आहे!
सुंदर रचना...
अभिनंदन...शुभेच्छा!!
बेफिजी, अरविंदजी, प्रिती,
बेफिजी, अरविंदजी, प्रिती, सत्यजीत मनःपुर्वक धन्यवाद !!