if only....

if only.....खरंय अगदी....
या लेखामुळे मॉनिका सेलेस ची कितीतरी वर्षांनी आठवण आली.

खरंय अगदी.. चटका लावणारी शोकांतिका.. तिने नक्कीच विक्रम रचले असते कारण येत्या काळात स्टेफीनंतर तिला आव्हान देणारे असे कोणी आलेही नव्हते..

एक प्रश्न - तेव्हा यामागे स्टेफी ग्राफ किंवा तिचे कोणी समर्थक असल्याचे वादळ उठले होते वा कुजबूज झाली होती का?

ह्म्म्म. .

सर्व डोळ्यासमोरून गेलं त्यावेळेचं. इतकी लेखणीत ताकद आहे तुझ्या, अमेय.

मी ९१ पासून टेनिस बघायला सुरूवात केली तेव्हा सेलेस-ग्राफ फायनल फार भारी असायच्या! ९२ ची फ्रेंच ओपनची फायनल व्हिडियो कॅसेटवर रेकॉर्ड केली होती. ९२ ची फायनल विंबल्डन फायनल मोनिका जिंकणार अशी खात्रीच असताना तिचा फारच किरकोळीत पराभव झाला होता. पण तिने पुढच्या स्पर्धा जिंकल्या पण तिच्यावर हल्ल्याची बातमी फार धक्कादायक होती.

मला आठवतय त्याप्रमाणे दुखापत अगदी किरकोळही नव्हती. तिला कित्येक दिवस सर्व्हिस करता यायची नाही.

या सर्व घटनेचा स्टेफीला तिचा अर्थाअर्थी काहीही संबंध नसताना फायदा मिळाला हे मात्र नाकबूल करून चालणार नाही. >>>> केवळ ह्याच कारणामुळे स्टेफी मला कधीच आवडली नाही! तिचं यश हे कधीच निर्भेळ वाटलं नाही.

तेव्हा यामागे स्टेफी ग्राफ किंवा तिचे कोणी समर्थक असल्याचे वादळ उठले होते वा कुजबूज झाली होती का? >>>> हल्लाखोराने स्वतःला स्टेफी समर्थक म्हणवून घेतले होतेच पण स्टेफीवर आरोप झाल्याचं आठवत नाही. इनफॅक्ट स्टेफी स्वतः मोनिका सेलेसला हॉस्पिटलमध्ये भेटायला गेल्याची बातमी पेपरात वाचल्याचं आठवतं आहे.

दूरदर्शनने भारतात अगदी खेडोपाड्यातून आपले जाळे पसरविले त्यावेळी मनोरंजनासोबत क्रिकेटचे प्रसारण सुरू झाले त्याचे काही विशेष वाटले नव्हते. पण जेव्हा विंबल्डनचे सामने घरी बसल्याबसल्या पाहाण्यास मिळू लागले त्यावेळेपासून टेनिस या एरव्ही आपल्याकडे सर्वसामान्यात लाडका न झालेला खेळ आकर्षणाचे केन्द्रच बनला...त्याला कारणीभूत सुरुवातीच्या क्रिस एव्हर्ट, व्हर्जिनिया वेड, पाम श्रीव्हर, ट्रेसी ऑस्टिन यांच्या खेळातील प्राविण्याबरोबरीनेच नजाकतीने इथल्या प्रेक्षकांना टेनिसकडे वळविले....नंतरच्या मार्टिना नवरातोलिवा, स्टेफी ग्राफ, मेरी पीअर्स, गॅब्रिएला साबाटिनी यानी तर तमाम टीव्हीप्रेमींना आपल्याकडे खेचूनच घेतले....यात स्टेफी आघाडीवर जरी होती तरी ज्यावेळी १९ वर्षाची एक अत्यंत हसरी आणि दिमाखदार पोरगी मोठ्या आत्मविश्वासाने टेनिस मैदानावर उतरली त्यावेळी स्टेफीच्या क्रमांक एक ला शह देणारी तिच्याच तोलामोलाची कुणीतरी आली आहे याची जाणीव झाली...जणू एक परीच होती...ती मोनिका सेलेस.

तिच्याविषयीच्या कारकिर्दीचा अमेय पंडित यानी आकर्षक अशा भाषेत तसेच अतिशय योग्य माहितीने धागा सजविला आहे. टेनिस क्षेत्राला जवळपास काळिमा फासणारी ती घटना, जिच्यामुळे एका कर्तबगार मुलीच्या क्रिडाजीवनाला भयतेची जी सावली चिकटली ती कायमचीच. हल्ल्यानंतर दोन वर्षे ती जर्मनीच नव्हे तर अन्य कोणत्याही देशातील टेनिस स्पर्धेत उतरली नाही, शिवाय त्यानंतर जिद्दीने परत प्रवेश करून थोडेफार यश मिळविले असे जरी सामन्यांच्या नोंदी सांगत असल्या तरी १९९० ते १९९२ मधील तिची तडफ, उत्साह, जिगर लुप्त होत चालले होते हे सर्वानाच जाणवत होते....ज्या दिवशी फ्रेन्च ओपनच्या पहिल्याच सामन्यात तिने पराभव पत्करला त्यावेळी जगभरातील तिच्या चाहत्यांनी मनोमन ओळखले...१९९० ची मोनिका आता नाही पुन्हा पाहायला मिळणार.

चॅम्पिअन्स अनेक झाल्या....होत आहेत...यापुढेही हे चक्र चालू राहील; पण आमच्यासारख्यांच्या दृष्टीने क्रिस एव्हर्ट, मार्टिना नवरातिलोवा, स्टेफी ग्राफ, मार्टिना हिंगिस आणि मोनिका सेलेस...हीच नावे कायमची मनी वसली आहेत.

>>>महिला टेनिसची एक आख्यायिका बनण्याचे बीज असणारी कथा केवळ शोकांतिका म्हणुनच नेहेमी ओळखली जाईल.>>> You hit the nail on the head.
ह्याच कारणामुळे स्टेफी मला कधीच आवडली नाही! तिचं यश हे कधीच निर्भेळ वाटलं नाही.>>>+१

स्टेफी स्वभावतः अतिशय मृदू, संयमी आणि उत्तम विचारी खेळाडू आहे >> सहमत आहे. मी लहानपणी पहिल्यांदा जे काही टेनिस पाहिलेय फॉलो केलेय ते स्टेफीपासून सुरू होऊन स्टेफीलाच संपलेय. मोनिका प्रकरण फक्त ऐकूनच माहीत. ऐकताना स्टेफीचा चाहता म्हणूनही सलतेच. जसे मोनिकाच्या लेखात स्टेफीचा उल्लेख अपरिहार्य आहे तसाच स्टेफीचा विषय निघताही मोनिका उल्लेख अपरिहार्यच. हा लेख वाचतानाही बॅकसाईडला स्टेफीच डोक्यात घोळत होती, त्यामुळे ईथे थोडेफार शंकानिरसन होईल या हेतूने माझेही प्रतिसादात ते विचारणे झाले. तरी विषय तिथेच रेंगाळू भरकटू नये.

.

छान लिहिलेय.

मोनिकाचा खेळ मीही पाहिलाय. तिच्यापासुन स्त्रियांच्या टेनिसमध्ये पुरुषांसारखा झंझावात आला. तिच्या आधी स्त्रियांचे टेनिस ब-यापैकी सौम्य आणि नजाकतदार असायचे. मोनिका अगदी पुरूषी खेळायची, दातओठ खात फटका परतवायची. या एका कारणामुळे मला ती अजिबात आवडायची नाही. पण खुप चांगली खेळाडू होती. तिच्याबाबत जे काही झाले ते खुप दुर्दैवी असेच होते.

if only....हे इंग्रजीमधील सर्वात क्रूर शब्द आहेत असे कुठल्यातरी लेखकाने म्हणले आहे. >>> अगदी खरंय

लेख आवडला.

मलाही सेलेस आवडायची.

पण स्टेफीचे यश निर्भेळ नाही हे म्हणणे फार फेच्ड आहे. तिचा काय दोष आहे? ( उदाच द्याय्चे तर सचिनचे शतक हे बांग्ला किंवा केनिया विरुद्ध आहे म्हणून त्याची व्हॅल्यु लो आहे असे म्हणणे झाले. )
आमच्यासारख्यांच्या दृष्टीने क्रिस एव्हर्ट, मार्टिना नवरातिलोवा, स्टेफी ग्राफ, मार्टिना हिंगिस आणि मोनिका सेलेस...हीच नावे कायमची मनी वसली आहेत. >> +१ मला ह्यात डावं उजवं करावे देखील वाटत नाही.

व्वा अमेय खुपच सुंदर लिहिले आहेस ..

आवडला लेख.

पण स्टेफीचे यश निर्भेळ नाही हे म्हणणे फार फेच्ड आहे. तिचा काय दोष आहे? ( उदाच द्याय्चे तर सचिनचे शतक हे बांग्ला किंवा केनिया विरुद्ध आहे म्हणून त्याची व्हॅल्यु लो आहे असे म्हणणे झाले. )>>>>+१

....

चांगला लिहिलाय लेख.

घरी टिव्ही नसल्याने अस काहि फॉलो केलच नाही कधी.
पण न्युज पेपर वाचल्याने कळायच.
आगासी, सॅप्रास, हिन्गीस, स्टेफी, मोनिका ही नावं वाचण्यात असायचीच.

मला मोनिका तिच्या नावामुळे भारतीय वाटायची तेव्हा.

लेख आवडला. सकाळीच पोस्ट टाकणार होते पण कामाच्या गड़बडित राहून गेल. टेनिस फॉलो करायची सुरुवात स्टेफी , मोनिका , पीट सम्प्रास , आंद्रे अगासीपासून झाली. मला स्टेफीचा, मोनिकाचाहि खेळ आवडतो.

<<<< पण स्टेफीचे यश निर्भेळ नाही हे
म्हणणे फार फेच्ड आहे. तिचा काय दोष आहे? ( उदाच द्याय्चे तर सचिनचे शतक हे बांग्ला किंवा केनिया विरुद्ध आहे
म्हणून त्याची व्हॅल्यु लो आहे असे म्हणणे झाले. )>>>>> ह्याला अनुमोदन

मोनिका बाबतीत झालेली घटना दुर्दैवी असली तरीही त्या बाबतीत स्टेफिच्या यशाला दोष देणे पटत नाही.

अमेयदाने लिहिलेल्याप्रमाणेच ह्या जर तर च्या गोष्टी आहेत .

सॉरी.. अगदीच अवांतर..
पण मला हा लेख वाचुन सुमन कल्याणपुरकरांची खुप आठवण आली.
किती साम्य त्यांच्याही शोकांतिकेत.

पण स्टेफीचे यश निर्भेळ नाही हे म्हणणे फार फेच्ड आहे. तिचा काय दोष आहे? >>>> "तिचा दोष आहे." असं कुठे म्हटलय ? मोनिकावर हल्ला झाला नसता तर स्टेफीचे आजचे स्टॅट्स आहेत असे नक्कीच नसते. मार्टिना नवरातिलोव्हा, ख्रिस एव्हर्ट, मधल्या छोट्या काळात हिंगीस, मग विल्यम्स भगिनी, किम, हेनीन, शारापोव्हा ह्यांना कायम तगड्या प्रतिस्पर्धी होत्या. तसं स्टेफीच्या काळात झालं नाही. तिची तगडी प्रतिस्पर्धी ही दुर्दैवाने बाहेर फेकली गेली. त्यामुळे तिच्या यशात लकचा फार मोठा वाटा होता असं मला वाटतं.

चटका लावणारी कथा आहे तिची ! छानच मांडलीय.

सर्व डोळ्यासमोरून गेलं त्यावेळेचं. इतकी लेखणीत ताकद आहे तुझ्या, अमेय. >>>> +१००