Submitted by करकोचा on 21 June, 2015 - 08:00
शहाणे वागती रीतीप्रमाणे
जिणे आखीव भूमीतीप्रमाणे
कटाक्षांचे जरी जाळे मुलायम
चिवटता तांबड्या फीतीप्रमाणे
लढाईचे नियम आधीच ठरवू
करू संसार रणनीतीप्रमाणे
दुधाची भागवू ताकावरी, ये
तृषेला भोगही प्रीतीप्रमाणे
दिसो तृप्ती मुखावर पूर्ततेची
असावी क्लांतता वीतीप्रमाणे
हवा ठेहराव कवितेला भिनाया
भिडाया चाल खगगीतीप्रमाणे
विषय:
Groups audience:
Group content visibility:
Public - accessible to all site users
शेअर करा