मराठे ज्वेलर्स बीएमएम सारेगम २०१५ - अदिती काणे (शार्लोट, नॉर्थ कॅरोलीना) यांच्याशी गप्पा

Submitted by समीर on 7 June, 2015 - 14:26

सर्वप्रथम आपली या मराठे ज्वेलर्स बीएमएम सारेगम २०१५ अंतिम फेरीत निवड झाल्याबद्दल मन:पूर्वक अभिनंदन.

Aditi_Kanemb.jpg
1) अदिती, तुम्ही मुळच्या कोणत्या गावाच्या आहात ?

मी मुळची पुण्याची. पुण्यामधून इंजिनीरिंग ची पदवी घेतल्यानंतर सध्या Charlotte, North Carolina येथे IT Professional म्हणून जॉब करत आहे .

2) तुम्हाला संगीताची गोडी / आवड कशी आणि केव्हा लागली ?

आमच्या घरातच संगीताचे वातावरण आहे . माझी मोठी बहीण संगीत अलंकार आहे, तिच्या प्रोत्साहनाने मी सातव्या वर्षापासून गुरु कै. मधुसूदन पटवर्धन यांच्याकडे दहा वर्षापेक्षा जास्त काळ शिकले .

3) संगीताचे शिक्षण तुम्ही किती वर्ष घेत आहात ? आणि कोणत्या प्रकारचे संगीत शिक्षण चालू आहे ?

दहा वर्षांपेक्षा अधिक काळ मी शास्त्रीय आणि सुगम संगीत शिकत आहे.

4) संगीतातील तुमचे गुरु कोण ?

कै. मधुसूदन पटवर्धन, सौ . अपर्णाताई गुरव, सौ . श्रुती पेंढारकर ( माझी बहिण)

5) तुमच्या संगीतातली विशेष कामगिरीबद्दल काय सांगाल ?

  • शाळेत असल्यापासून सकाळ नाट्यसंगीत स्पर्धा (पुणे) , पं . जयराम शिलेदार नाट्यसंगीत स्पर्धा (पुणे) , कृष्णाबाई महोत्सव (वाई) येथे सलग ३ वर्ष प्रथम , द्वितीय क्रमांकाचे पारितोषिक
  • Cummins College of Engineering , Pune येथे सुगम संगीत स्पर्धेत २ वर्षे प्रथम आणि द्वितीय क्रमांक
  • Charlotte मधील CSMM (Carolina Sanskrutik Maharashtra Mandal) च्या सर्व कार्यक्रमात उत्स्फूर्त सहभाग
  • IPAAC (Indian Performing Arts Association of Charlotte) येथे शास्त्रीय संगीतात सहभाग
  • Charlotte येथे "Rhy-Dhun" या Bollywood Music कार्यक्रमात सक्रीय सहभाग
  • Charlotte येथे नुकताच एप्रिल २०१५ मधे , डॉ . सलिल कुलकर्णी यांच्या "आयुष्यावर बोलू काही " कार्यक्रमात , प्रत्यक्ष त्यांच्याबरोबर गाण्याची संधी

6) संगीताच्या या आवडीसाठी तुमचे काय विशेष प्रयत्न असतात ?
मला शास्त्रीय आणि सुगम या दोन्ही प्रकारच्या संगीताची आवड आहे. मी जुनी आणि नवीन गाणी खूप ऐकते.पुण्यामध्ये सवाई गंधर्व महोत्सवात मला दिग्गज गायकांचे गाणे ऐकण्याची संधी मिळाली . दिवसातून किमान अर्धा तास गाण्याचा रियाझ करावा असा माझा प्रयत्न असतो. जुन्या आणि नवीन गाण्याचा मिलाफ करण्याचा माझा सतत प्रयत्न असतो.

7) तुमचे आवडते गायक / गायिका आणि आवडते गाणे कोणते ? तुमचे आवडते एखादे गाणे ? कोणाचे संगीत ऐकायला तुला जास्त आवडते ?

आवडते गायक / गायिका - आशा भोसले , वीणा सहस्रबुद्धे , पं . जितेंद्र अभिषेकी, बेला शेंडे, सुनिधी चौहान , शंकर महादेवन

आवडते संगीतकार - श्रीनिवास खळे, अजय अतुल, अशोक पत्की

आवडती गाणी - युवतिमना (आशा भोसले) , अवघा रंग एक झाला ( किशोरी अमोणकर) , नभ उतरू आलं (आशा भोसले) , मोरया मोरया ( अजय - अतुल)

पं . हृदयनाथ मंगेशकर , आनंदघन यांचे संगीत मला जास्त आवडते .

8) आपल्या बीएमएम सारेगम 2015 च्या अंतिम स्पर्धेसाठी कशा पद्धतीची तयारी चालू आहे ?

माझा रोजचा रियाझ चालू आहे. बीएमएम सारेगम 2015 च्या अंतिम स्पर्धेत उत्तम सादरीकरण करण्यासाठी मी प्रयत्नशील आहे.

9) संगीता खेरीज आपले अजून काय काय छंद किवा आवड आहे ?

मी मराठी साहित्य , ललित लेख खूप वाचते. मला प्रवासाची आवड आहे.

10) आपल्या बीएमएम सारेगम २०15 च्या प्राथमिक आणि उपांत्य फेरीची तयारी तुम्ही कशी केलीत ?

ऑफिस आणि घर सांभाळून मी जेव्हा आणि जसा वेळ मिळेल तशी तयारी केली. खालील दुव्यावर तुम्ही मी गायलेली काही गाणी ऐकू शकाल .
उगवली शुक्राची चांदणी

11) आपला कौटुंबिक परिचय ?

माझे पती - श्री . भूषण काणे ( हे सुद्धा software engineer आहेत. )

मला आद्या नावाची ७ वर्षाची गोड मुलगी आहे.

अदितीला तुम्ही या दुव्यावर जाउन मतदान करू शकता.

Group content visibility: 
Public - accessible to all site users