Submitted by कमलेश पाटील on 29 May, 2015 - 04:40
सांज होता घावली मज मोडण्याची कारणे
काय होती वेदना आनंदण्याची कारणे!
तू जरी माझ्यात होता भावनेने बांधला
आज या डोळ्यात सारे मोडल्याची कारणे
वाटले होते जरासे चालू आता मोकळे
लोक मागायास आले वाटण्याची कारणे.
आस माझी जागता माझ्यावरी गारुड तू
शोधली मी गुंतताना गुंतण्याची कारणे
त्या क्षणांचे गाव आता मोकळे पडले असे
पोसली हरवून मज सुख पेरण्याची कारणे
पावसाचे गीत गाता मी पुराने वेढले
देवही सांगेल मज ना तारण्याची कारणे
विषय:
Groups audience:
Group content visibility:
Public - accessible to all site users
शेअर करा
