निसर्ग गटग - राणी बागेत

चालेल ग सामी. फोन कर पोचलीस की.

चेतन, चालेल हो, तुम्ही घातला नाही तर टपरीजवळ कोणीतरी घातलेला असेल म्हणजे तुम्हाला ओळख पटेल की हेच ते दिव्य माबोकर जे तुमच्या सोबत राणीबागेत फिरणार आहेत म्हणुन.

सहसा मुंबई आणि नवी मुंबई सोडता बाहेरुन कुणी येत नाही ह्या गटगला. प्रवास खुप पडतो. त्यामुळे असावे.

नेहमी प्रमाने आजचा गटग मस्त पार पडला.इंद्रधनुष्य श्रीशैलसोबत, जागु सहकुटुम्ब, इन मिन तिन सहकुटुम्ब, उजू इशिकासोबत, जिप्सी, एसार्डी व् मी इतकी मंडली जमलेली.

उन ज़रा जास्त होते पण बागेत जाणवले नाही. १० वाजता बागेत प्रवेश करून साधारण २ २.३० च्या सुमारास बाहर पडलो. फिरून फिरून पायाचे तुकडे पडायची वेळ आली. शेवटी नेहमि प्रमाणे काय काय मिसले याची चर्चा करत बाहर पडलो. एसर्डी नि ऑडियो रिकॉर्डिंग केले यावेळी पिकॉक फ्लॉवर हे एक नवे फुल पाहिले (आपल्या गुलमोहरासारखेच दिसते)

उन्हामुले आणि पोटात कोकलणार्या कावळ्यान्मुले खादाडिसाठी जास्त लांब न जाता जवळच्या आनंद भुवन मिसळिचा पर्याय इंद्राने सुचवला तो सगळ्यान्नि उचलून धरला. क्षुधाशान्तिनंतर दमलेली मंडळी आपापल्या घरी जाऊन सुशेगाद निजली.

मुचकुंद आणि कनक चम्पा या दोघात गोंधळ आहे. ते वरचे मुचकुंद असे आम्ही समजत होतो पण त्याच्यावर कनक चम्पा ही पाटी लावलेली. नेट वर खुप ग्रुप मध्ये ह्याला कनकचम्पा म्हटले आहे. नेटशोध करता ही दोनहीं नावे एकाच झाडाची आहेत असे वाटतेय.

पोवई हीरानंदानी गार्डेन मध्ये कनक चम्पा आणि मुचकुंद शेजारी शेजारी लावलेत असे जिप्सी म्हणालेला. कोणाला जमत असेल तर कृपया तिथे जाऊन फोटो काढा आणि इथे टाका. सध्या फुले आली असणार.

आणि ज्याला आम्ही कनक चम्पा समज्तोय तो रामधन चम्पा आहे .

पिवळे लाल ऑस्ट्रेलियन चेस्टनट.

तुम्हाला कांचन कुठे दिसला? शेवटचा फोटो तळ्याचा आहे आणि त्यातले झाड चाफा आहे. प्लुमोरिया, फ्रंजिपनी इ. नावानेही ओळखतात.

गुलाबी केसर असलेले तळव्यात ठेवलेले समुद्रफुल.

ब्राऊनिया फुलुन गेलेला. मी यावेळेस ब्राऊनीया आणि सीताअशोकाच्या शेंगा आणल्यात. नागकेशराच्याही आणल्यात. गावी बाया डोक्यात घालतात याचे फुल. ऑन पब्लिक डिमांड गावी मी एक रोपटे लावलेले. पावसाळा सुरू होईतो त्याने फुले दिली आणि नंतर ते कधीतरी कुजुन गेले.

गार्डेनिआ रेसिनेफेरा म्हणजे अनंत का

अनंतातली एक वरायटी. अनंतासारख्या याला खुप पाकळ्या नसतात तर फोटोत दिसताहेत तेवढ्याच पाकळ्या. फोटोतले फुल सुकलेय त्यामुळे पाकळ्या खाली झुकल्यात. ताज्या फुलाच्या पाकळ्या सदाफुलीसारख्या देठाशी ९० अंशाचा कोन करुन. त्या गोलात मावतील तेवढ्याच ४-५ पाकळ्या. ओव्हरलॅप अजिबात नाही. आपल्या नेहमीच्या अनंताला लेअर्स मध्ये पाकळ्या असतात. याला मध्ये जो पिवळा केसर दिसतोय तेवढा मोठा केसर अनंताला नसतो. सुवास मात्र अनंतासारखाच.

वरती संकासुराचे फुल दिलेय. राणीबागेतल्या झाडांच्या लिस्टीत याचे नाव पिकॉक फफ्लॉवर म्हणुन सापडले. हाच संकासुर हे माहितच नव्हते. आणि माहित तरी कसे होणार? संकासुराला कायम ५-६ फुट वाढलेले पाहिलेय. त्याच्यापेक्षा जास्त वाढायला त्याला मिळतच नाही. राणीबागेतले पिकॉक फ्लॉवर चक्क उंच वृक्षावर लागलेले.