AIB पोल

कोण बोललं आहे, ह्यापेक्षा काय बोललं आहे हे पाहावे, सर्व सुहृदांनी......

https://www.youtube.com/watch?v=nazOEtOAIyc

हा सगळा दोष राखी गुलझार या अभिनेत्रीचा आणि राकेश रोशन या चित्रपटनिर्मात्याचा आहे.

असे कार्यक्रम होऊ नयेत.
[असेही नुकत्याच बातमीनुसार प्रकरण आता 'न्यायप्रविष्ट' असल्याने एकूणातच न बोललेले बरे.]

हा सगळा दोष राखी गुलझार या अभिनेत्रीचा आणि राकेश रोशन या चित्रपटनिर्मात्याचा आहे.
>>>>>>> हा 'करण अर्जुन' वर केलेला जोक असावा.

दै. सामना'च्या 'फुलोरा' पुरवणीतील आजची आणि शेवटची 'बॉलीवुडी' -

~ ~ ~ ~ बॉलीवुडी ~ ~ ~ ~

~ ~ भंपक ~ ~

एकदा एक सद्गृृहस्थ स्वत:साठी कुडता-पायजमा घेतो. घरी येऊन पायजमा घालून पाहिल्यावर त्याला समजतं की तो दोन इंच मोठा आहे. तो त्याच्या म्हातार्‍या आईला पायजमा दोन इंच कापून देण्याची विनंती करतो. आई म्हणते, ‘मला त्रास नको देऊस. बायकोला सांग.’
बायको म्हणते, ‘मी स्वयंपाक करतेय. मुलीला सांगा.’
मुलगी म्हणते, ‘मला अभ्यास आहे. लहानीला सांगा.’
लहान मुलगी ऐकून न ऐकल्यासारखं करून खेळायला निघून जाते.
तो खट्टू होऊन पायजमा तसाच ठेवून देतो. नंतर सर्वांना उपरती होते आणि एकानंतर एक चौघीही येऊन पायजमा प्रत्येकी २ इंच कमी करतात. आता पायजम्याचा बर्म्युडा झालेला असतो. तो कापणार्‍या व्यक्तींपैकी कुणालाही तो बर्म्युडा करायचा नसतो. पण हेतू कितीही चांगला असला तरी परिणाम जास्त महत्त्वाचा असतो.

लहानपणी ऐकलेली ही गोष्ट आज का आठवतेय? सांगतो.

यू ट्यूबवरील एका कार्यक्रमात विनोदाच्या नावाखाली काही लोकांनी काही लोकांची ‘पायजम्याआतले जोक्स’ मारून खिल्ली उडवली. आपल्या देशाचे संविधान सर्वांना अभिव्यक्तीस्वातंत्र्य देत असले तरी आपल्या स्वातंत्र्योपभोगाने कुणाच्या पायजम्याचा बर्म्युडा तर होत नाही ना याचा विचार करणे हे सर्व स्वातंत्र्ये, संविधाने, जन्मसिद्ध हक्क वगैरेंच्या वर असलेली ‘माणुसकी’ भाग पाडत असते. एकदा पायजम्याचा बर्म्युडा झाला की ‘हेतू काय होता?’ याने काही फरक पडत नाही!

दुसरं असं की, आपले बिनधास्त विनोद लोकांच्या पचनी पडतील, असे संविधानाच्या जोरावर ठरवून आपली प्रगल्भता दाखवण्यापेक्षा कार्यक्रमात सहभागी कलाकारांनी आपल्या चित्रपटांच्या परिपक्वतेतून ते दाखवून देणं जास्त संयुक्तिक ठरलं असतं. म्हणजे एकीकडे ७१ च्या युद्धात हिंदुस्थानची फाळणी होऊन बांगलादेश बनला असं काहीसं दाखवून आपला सपशेल बिनडोकपणा दाखवायचा (चित्रपट - गुंडे) आणि दुसरीकडे कमरेखालचे विनोद लोकांनी झिडकारल्यावर ‘तुमची बौद्धिक पातळी नाही’ म्हणायचं! हे म्हणजे सव्वाशे किलो वजनाच्या माणसाने समतोल आहारावर भाष्य करण्यासारखं आहे!

अखेरीस, पहिल्या ओळीत बसून सर्व चावटपणावर खिदळणार्‍या एका व्यक्तीने अगदी काही महिन्यांपूर्वी एका वृत्तपत्राच्या साईटवर आलेल्या स्वत:च्या फोटोवरून महिला सबलीकरण, स्त्री-दाक्षिण्य वगैरेंच्या बाता मारल्या होत्या, हे उगाच आठवलं.

http://www.saamana.com/2015/February/14/Link/FULORA18.HTM

http://epaper.saamana.com/epaperimages/1422015/1422015-md-fl-4/6383218.JPG

- रणजित पराडकर
- ....‪‎रसप‬....

>>>कारण ऐकणारे बरेच लोक ते कंबरेखालचे उल्लेख ऐकूनच हसतात<<<

अगदी अगदी! ते विनोदही खूप मजेशीर होऊ शकतात की नाही ह्यावर विचारही करायची विनोदनिर्मात्याला गरज भासू नये इतके 'ठ' दर्जाचे विनोद रसिक असतात हे! त्यांना नुसता ढुंगण ह्या शब्दातील ढ ऐकायला मिळाला तरी ते सातमजली हसून पैसे वसून झाल्याच्या आनंदात असतात.

काही बॅचलर्स ओन्ली व्हॉट्स अ‍ॅप ग्रूपवर राबता असल्यामुळे लक्षात येते (आणि अनेक वर्षे अनेक प्रकारचे विनोद वाचायला मिळालेले असल्यानेही माहीत आहे) की फक्त प्रौढांसाठी किंवा कंबरेखालचे म्हणता येतील असे खूप विनोद अतिशय सरस (सकस नव्हे) असू शकतात. पण ते कानावर पडेपर्यंत थांबणार कोण? रेकॉर्डेड हसण्याचा आवाज ऐकून स्वतः हसत टाळ्या वाजवणार्‍यांचे अमाप पीक आलेले आहे.

>>>>अगदी अगदी! ते विनोदही खूप मजेशीर होऊ शकतात की नाही ह्यावर विचारही करायची विनोदनिर्मात्याला गरज भासू नये इतके 'ठ' दर्जाचे विनोद रसिक असतात हे! त्यांना नुसता ढुंगण ह्या शब्दातील ढ ऐकायला मिळाला तरी ते सातमजली हसून पैसे वसून झाल्याच्या आनंदात असतात.<<<

दुर्दैवाने हे असेच आढळ्लेय.
नुकताच एका कॉलेजच्या वॉट्स अप ग्रूपमधून बाहेर पडले. मुलामूलींचा एकच ग्रूप.

वय वाढलेले पण अक्कल नसलेले लोकं भलती सलती से* वरील चित्रं आणि जोक्स. त्यात इतकं खिदळून हसण्यासारखं काहीच नाही.
अश्लील वगैरेचा प्रश्ण नाही पण विनोद करताना अरे कसला वापर करताय? पॅथेटीक

मी बातम्या बघत नाही त्यामुळे हा प्रकार माहिती नव्हता. इथे माहिती करुन दिल्याबद्दल धन्यवाद. तो रोस्ट बघायला मिळाला नाही पण AIB च्या youtube वरच्या चित्रफिती बघताना वेळ मस्त गेला! त्या प्रत्येकाचे AIB बाहेरचे videos पण मस्त आहेत. अर्थात सगळेच विनोद सगळ्यांनाच आवडतील / पचतील / समजतील असे शक्य नाही... आणि अशी अपेक्षा करणे पण चूकच!
पुन्हा एकदा धन्यवाद!!

पाहिला कार्यक्रम …. काही तथाकथित "फ़ेमस " लोकांनी केवळ (कु)प्रसिद्धी मिळवण्याकरीता बनवलेला एक ये*झ* कार्यक्रम होता…।