Submitted by निशिकांत on 8 December, 2014 - 22:59
वादळांनो शांत का झालात इतके ?
पण कपाच्या आत का तोर्‍यात इतके ?
आव आणती जे कुणी ना गुंतल्याचा
पापण्याच्या आत का भिजतात इतके ?
पाळली, उपदेशली श्रध्दा सबूरी
देवपण त्याचेच का वादात इतके ?
व्हायचे झाले, पुन्हा होणार आहे
ताकही फुंकून का पीतात इतके ?
का भुते घोंगावती आशा धरोनी ?
काय असते एवढे शीतात इतके ?
वृत्त, मात्रा, कायदेही क्लिष्ट असुनी
गुंतती शायर किती गझलात इतके ?
आरशाला हे कधी कळलेच नाही
मुखवटे लावून का फिरतात इतके ?
माळता गजरा सखीने मोगर्‍याचा
मखमली रोमांच का फुलतात इतके ?
जायचे तर जा पुढे "निशिकांत" तूही
गुंतण्याला काय रे! माझ्यात इतके ?
निशिकांत देशपांडे. मो.क्र.९८९०७ ९९०२३
E Mail--- nishides1944@yahoo.com
विषय:
Groups audience:
Group content visibility:
Public - accessible to all site users
शेअर करा
पाळली, उपदेशली श्रध्दा
पाळली, उपदेशली श्रध्दा सबूरी
देवपण त्याचेच का वादात इतके ?
आरशाला हे कधी कळलेच नाही
मुखवटे लावून का फिरतात इतके ?
जायचे तर जा पुढे "निशिकांत" तूही
गुंतण्याला काय रे! माझ्यात इतके ?<<< शेर आवडले निशिकांतजी!
>>>आव आणती जे कुणी ना गुंतल्याचा<<< वृत्त बिघडत आहे.
खूप छान गझल
खूप छान गझल
वा काका
वा काका
आव आणती जे कुणी ना
आव आणती जे कुणी ना गुंतल्याचा
पापण्याच्या आत का भिजतात इतके ? <<<खयाल अत्तिशय आवडला
आव आणत ते कुठे ना गुंतल्याचा....
पापण्याच्या आत का भिजतात इतके ? <<<<अस वाचून पाहिले
या वरून माझा एक शेर आठवला काका,
कोरडा असतो मनाचा एक कप्पा
पापणी पाणावते त्याच्या वतीने
धन्यवाद !
-सुप्रिया.
सुंदर!!
सुंदर!!