होणार सून मी या घरची - ३

बाकीच्या बाया कसले कसले धक्के सहन करुन करतात सगळं, आणी ह्यांचं आपलं काहीही हं....

काल ओवाळू आरत्या घेऊन सगळ्या माऊल्या शाळकरी मुलींसारख्या खिदळत होत्या...
नंतर एकदा जानी पलंगावर श्रीच्या डावीकडे उठून स्लो मोशनमधे चालत उजवीकडे जाते (माझ्या मनात 'सागर' मधलं 'ला ला ला ला ला' वाजत होतं त्या चालीवर...हा डिंपलचा अपमान आहे माहित आहे मला...तरीही!) आणि घंगाळातून पाणी फुलपात्रात ओतून पिते. या स्लो मोशनचा उलगडा तेव्हा झाला जेव्हा श्री म्हणतो, 'तुझी चाल ग्रेसफुल झालीये' याचा अर्थ आधी तिची 'चाल तुरुतुरु' होती असा मी लावला सोयीस्करपणे.
चुकून ओझरतं काही क्षण मी जेव्हा जेव्हा ही सिरियल पाहतो तेव्हा मला असलंच काहीतरी दिसतं.... तरी बरं हा त्रासाभराचा महाएपिसोड आहे हे कळल्यावर आणि पुढची संभाव्य कॉमेन्ट्री टाळण्याकरता बायकोने स्वतःहून चॅनल बदललं !

मित : धन्य ती कल्पनाशक्ती

पियू पर्सनल कमेंटबद्दल सहमत!
सिरीयल बंद आमच्याकडे! प्रो कबड्डीच्या म्डॅचेस जास्त एक्सायटिंग असतात त्यापेक्षा

मित, <<त्रासाभराचा महाएपिसोड >... हा टायपो नसावा... महाभारी आहे. दहा गावं इनाम!

टायपो नाही हो.. छ्या.. कोटीची शेकोटी करुन टाकलीत की

मित.

एक कळल नाही .
ती सुनिता आणि पिन्ट्या आता जर एका जागी बसून बोलतायेत आणि ती सुनिता तिच मन मोकळ करतेय तर मगाशी मिठया मारीत रस्त्यावर काय रडत होती?

आता ही जानी विचारते " ए त्याना अजूनही गैरसमज आहेत भारताबद्द्दल ?"
श्री म्हणतो , " अगं हो . त्याना अजूनही वाटत इन्डिया इज हॉट कन्ट्री . " आपल्याकडे ६ ऋतु आहेत. त्याना माहित नाही . आपल्या भौगोलिक परिस्ठितिबद्दल त्याना कल्पना नाही. वाळवंट , हिमशिखर ई.ई . त्याना अजूनही असं वाटत की भारताचा शोध वास्को द गामा ने लावला .पण आपल्या अध्यातमाबद्दल , योगाबद्दल त्याना फार आकर्षण आहे आणि ते नियमाने पाळतात ही". ( की असच काहीतरी .. भावना समजून घ्या .. शब्द ईकडे तिकडे होउ शकतात . )
हा अमेरिकेतल्या कुठल्या जंगलात व्यापाराच्या संधी शोधायला गेला होता ओ ??

पिन्ट्याचे बाबा त्या वृद्धाश्रमाबद्दल किती कॅज्युअली बोलत असतात.

सरप्राईज च्या नावाखाली पोरकटपणा केला त्या जानी-श्री ने . कधी सुधारणार ही लोक .

हा अमेरिकेतल्या कुठल्या जंगलात व्यापाराच्या संधी शोधायला गेला होता ओ ??

सध्या हे सगळे बंद करून रिपोर्टर्स बघणे चालू केले आहे. कबिर शर्मा - माझा सध्याचा फेवरेट

केवळ शशिकलाबाईंसाठी ही सिरियल बघितली जाते. कालच्या भागातला पिंट्याला धमकावणी देतानाचा त्यांचा अभिनय उच्च होता! पिंट्याचंही काम आवडलं. जानू नेहमीप्रमाणेच भयानक डोक्यात गेली ती नवीन मुलगी सुनीताही चांगलं काम करत होती.

श्रीने इतक्या दुरून आल्यावर साधं आईआज्जींच्या पाया पण पडू नाही? का मिसले मी ते?

हे घ्या, मजा करा,

(कस्काय वरून साभार)

https://www.youtube.com/watch?v=wwPA5HQZQZ8

याकुब मेमनला फाशी देण्यापेक्षा ... जान्हवीच्या मुलाचे लग्न होयीपर्यंत ती सिरियल बघायला लावा ... तो स्वतःच "फाशी द्या फाशी द्या " म्हणून ओरडायला लागेल !!

कस्काय साभार ...

जान्हवीच्या मुलाच्या लग्नापर्यं सिरीयल सहन करायची म्हणजे?

जाताजाता,
याकूब मेमनला फाशी देणं कितीही योग्यं असलं तरी फाशीसारख्या विषयाचा वापर विनोदनिर्मीतीसाठी केलेला आवडला नाही.

काय वाट्टेल ते चालू आहे सिरियल मध्ये
कालच्या भागात फक्त २-३ मिनिटाचा सिन बघणेबल होता, ज्यात शशिकला बाई पिंट्याला झापतात तो.
बाकी उरलेला सगळा गाळ, चहात आलं घालू या का सोडा?
ही साडी नेसू की ती? याचा ब्लाऊज बसत नाही त्याचा बसतो, अंघोळ केलीस का श्री?
तुझी रूम स्वच्छ आहे का आणि काय न काय

बाकी उरलेला सगळा गाळ, चहात आलं घालू या का सोडा?>>>
दक्शुतै , पोह्यातला बटाटा विसरलीस आणि सोबत कीचन टिप्स पण
बटाटा आधी कापला तर काळा पडतो , नाही नाही पाण्यात ठेवायचा मग नाही पडत .

ती साडी जानीने दिवाळीच्या वेळेला नेसली होती .
काकू म्हणाली याचा ब्लाउज नविन शिउन आणलास ना . ती नेस .

ब्लाउज नविन ठीक आहे , जुन्या ब्लाउजचा काठपण लावून पॅच केला का ?

ब्लाउज नविन ठीक आहे , जुन्या ब्लाउजचा काठपण लावून पॅच केला का ?>>>> ही ही ही!! बघा अजून बघा!

ही साडी चान्गलीच लक्शात आहे माझ्या , त्यावर फार चर्चा पण झाली होती आणि मीच फोटो डकवला होता .

http://www.maayboli.com/node/47896?page=67

आजच्या पिंट्याच्या मुलगी बघायच्या कार्यक्रमात आई आजी आणि जान्हूचे बाबा बाजुबाजुला बसलेले मुलगी नमस्कार करताना...... अगदी लक्ष्मी नारायणाचा जोडा शोभत होता

भुंग्या.. लै अवघड ट्विस्ट होईल मग

अरेरे..आज काही खास झाले काय ?
म्हणजे बघायचे की नाही हे ठरवता येइल..:)

पोह्यातला बटाटा विसरलीस आणि सोबत कीचन टिप्स पण
बटाटा आधी कापला तर काळा पडतो , नाही नाही पाण्यात ठेवायचा मग नाही पडत .>>>>>>>>>
मी पण काल सर्फिन्ग करताना मला हेच दिसलं....चहात आलं आणि पोह्यात बटाटा.
फायनली पोह्यात बटाटा घाला हे साधं सांगताना जानी खूप च लाडिक हावभाव करत होती.
कंटाळून बंद केला टीव्ही.

आजच्या पिंट्याच्या मुलगी बघायच्या कार्यक्रमात आई आजी आणि जान्हूचे बाबा बाजुबाजुला बसलेले मुलगी नमस्कार करताना...... अगदी लक्ष्मी नारायणाचा जोडा शोभत होता
>>>>

कणेकरांच्या 'ती विधवा आई आणि हा विधूर बाप यांचा बार का नाही उडवून देत?' याची आठवण झाली
फक्त इथे बाप विधूर नाही, पण चालतंय :).
धर्मेंद्रचा आदर्श ठेवतील समोर बहुधा!

@ शीर्षक -
कम सून....

पोहे पण त्या पाच पाच बाया बनवत होत्या आणि त्यात हि किती घाई, चला चला तयारी करुया.. अगदी जसे काही बिर्यानी बनवत होत्या.

आमचे पोहे कधी कधी गिचका होतात पण एकटीनेच बनवते मी. ते गिचका पण पोह्याची क्लॉलीटी मुळे होते हां.

शेंगदाणे पण पोह्यात, बटाटे पण, मग बीटाचा तुकडा सुद्धा टाकायचा ना. आणि वेजिटेबल पोहे म्हणून द्यायचे ना.

मी फक्त आणि फक्त "कलेचा" अभिनय बघायला लावते हि सिरियल(५-६ महिन्यापासूनच इथले वाचून) पण आताच कहर वाटतोय. लोक< दोन दोन वर्षे बघतात.

ब्लॉउज नाही होत आता, हे सांगताना, किती ते मुर्ख लाजण आणि डोळे खूपच भयानक पणे फिरवणं. डोळे फिरवते तेव्हा हि बया लाजते की घाबरवते(दुसर्‍याला) तेच कळत नाही.

अशक्य कहर प्रकार आहे सगळा! त्या नर्मदाबाई तर भयानक माठ आहेत...पोह्यात बटाटे घालावेत की नाही हेही ठरवण्याची निर्णयक्षमता नाही त्यांच्यात
जान्हवीकडून काही अपेक्षाच नाहीये..त्या साडी, ब्लाऊजचे संवाद चालू असताना श्री डोकं धरून बसला होता..कधी नाही ती त्याच्याविषयी अपार सहानुभूती वाटली!!
फक्त आणि फक्त शशिकलाबाईंसाठी हा त्रास सहन केला जातो, अगदी २-३ मिनिटाचा सीन असला त्यांना तरी तो जबरदस्त करून टाकतात त्या!

डोळे फिरवते तेव्हा हि बया लाजते की घाबरवते(दुसर्‍याला) तेच कळत नाही>>> हो, आणी ते नविनच आणलेलं उसनं हसणं हीहीही करून...फार भयाण दिसते ती.. कुणीही घाबरेल..

ही जानी रामसेच्या हडळफळीतून आल्यासारखी भयाण भुस्कट का हसते?

कधी नाही ती त्याच्याविषयी अपार सहानुभूती वाटली!!>>> मला नेहमीच वाटते. त्या वेडसर हसणार्या जानीबरोबर संसार करणे काही खाऊ नाही.

बाकी सध्या मालिका बघणे सोडून दिल्याने हे सगळे प्रसंग नाही बघितले.