Submitted by सुप्रिया जाधव. on 7 November, 2014 - 08:35
नात्यातली सलगी कमी होते
माझ्यासवे हे नेहमी होते
आयुष्य म्हणजे डांव पत्त्यांचा
ती हारते त्याची रमी होते
प्रत्यक्ष कोठे बोलतो आपण
शेरातला आशय हमी होते
ज्यांनी मनाचे दार ठोठवले
प्रत्येक वादळ मोसमी होते
आकाश मढु दे लाख रंगांनी
तो भेटला की पंचमी होते
हातातुनी निसटून गेलेले
कित्येक क्षण ते रेशमी होते
त्याच्या गुन्ह्यांची नोंदही नाही
ती शिंकली की बातमी होते
चुकला जरासा नेम मृत्यूचा
त्याचे खरेतर लक्ष्य मी होते
-सुप्रिया.
विषय:
Groups audience:
Group content visibility:
Public - accessible to all site users
शेअर करा
बहुतही बढिया !! खूप आवडली .
बहुतही बढिया !!
खूप आवडली . जमीनच इतकी सुंदर आहे की बस !!
ती शिंकली की बातमी होते<< एकदम खास मिसरा !! तसे बरेच मिसरे अतीशय उत्तमैत .
अभिनंदन तै !!
एक शेर सुचला
डोळ्यातले आभाळ ओढाळे
मग दु:ख माझे मौसमी होते
धन्यवाद .
धन्यवाद वैवकु, मौसमीवर विचार
धन्यवाद वैवकु,
मौसमीवर विचार करतच होते, तुमचा शेर खासच !
जमिन सुचल्यावर १० व्या मिनिटाला गझल संपली.
छान. चुकला जरासा नेम
छान.
चुकला जरासा नेम मृत्यूचा
त्याचे खरेतर लक्ष्य मी होते
ख़ास.
- दिलीप बिरुटे
छानच !
छानच !
ज्यांनी मनाचे दार
ज्यांनी मनाचे दार ठोठवले
प्रत्येक वादळ मोसमी होते
चुकला जरासा नेम मृत्यूचा
त्याचे खरेतर लक्ष्य मी होते<<< वा वा
क्या बात है ... रेशमी क्षण
क्या बात है ...
रेशमी क्षण मस्तच ...
खूप सुंदर!!!!!! क्या
खूप सुंदर!!!!!!
क्या बात!!!!!
___/\___!!!!!
धन्यवाद!!!!!!
वा..!
वा..!
पूर्णच गझल आवडली. प्रत्येक
पूर्णच गझल आवडली. प्रत्येक शेर वेगळा काढावा तरी शक्य नाही.
त्याच्या गुन्ह्यांची नोंदही
त्याच्या गुन्ह्यांची नोंदही नाही
ती शिंकली ही बातमी होते....वा व्वा !े
चुकला जरासा नेम मृत्यूचा
त्याचे खरेतर लक्ष्य मी होते...निशःब्द केलंत !
ज्यांनी मनाचे दार
ज्यांनी मनाचे दार ठोठवले
प्रत्येक वादळ मोसमी होते
आकाश सजते लाख रंगांनी
तो भेटला की पंचमी होते
चांगल्या आहेत वरील द्विपदी.
ठळक केलेला शब्द 'ज्याने' असा करावयाची आवश्यकता आहे कारण आपण खाली 'प्रत्येक वादळ' असा एका वादळाकरीताचा शब्दसमूह वापरला आहात.
अवांतरः (ह्याबद्दल कवयित्रीची आधीच क्षमा मागतो _/\_ )
इथे असलेले तथाकथित जाणकार अशा गोष्टी स्पष्टपणे सांगत का नाहीत हे एक कोडेच आहे.
लिहिणार्‍याला भ्रमात ठेवून अशा चुका होऊ द्यायच्या म्हणजे हे आयुष्यभर तज्ञपणाची शेखी मिरवायला मोकळे! हे धोरण फार काळ टिकणार नाही!
गझल आवडली !
गझल आवडली !
धन्यवाद मंडळी !
धन्यवाद मंडळी !