उद्धव ठाकरेंना कुणीतरी जागे करेल काय ?

चांगले विश्लेषण! विनाशकाले विपरीत बुद्धी! मोडेन पण वाकणार नाही ह्या चुकीच्या सो कॉल्ड मराठी बाण्याने वागत राहिले तर मोडणार नाही तर दुसरं काय होणार!

उद्धव ठाकरेंना कुणीतरी जागे करेल काय ? >>>>

अगदी मनातलाच प्रश्न दिसला मला.
अख्ख्या महाराष्ट्रालाही हाच प्रश्न पडला असावा.
उद्धव अगदीच अपरिपक्व, किंबहुना बालीश वागतांना आढळत आहेत.
त्यांचा भ्रमनिरास यथावकाश होईलच.
मात्र त्याकरता महाराष्ट्राला भारी किंमत मोजावी न लागो!

शिवसेनेच्या चाहत्यांनो, उठा. राजाला जागे करा. परिस्थितीचे सम्यक भान द्या!

सेनेने प्रथम बालिश वाचाळवीर संजय राऊत ना गप्प करावे .या व्यक्तीमुळे सेनेचे प्रचंड नुकसान होत आहे ...
आतल्या गोटातील खबरीनुसार बाळराजे आदित्य चा बालहट्ट आणि संजय राऊत मुळेच युती तुटली होती. आता सरकारात सहभागी व्हायचे असेल तर या महाभागांना आवरावे उधोजी राजांनी !

अहो महाराजांनी नाही का औरंगजेबाच्या कैदेतून सुटकेसाठी झोपून राहण्याचे नाटक केले होते आणि मदारी मेहेतर व हिरोजी फर्जद भेटायला येणारे वगैरे सगळं सांभाळंत होते, तसंच आहे हे.

दिल्लीवरून (?) आलेल्या अफझलखानाच्या (?) कैदेतून, त्याच्या जाचातून अखंड (?) महाराष्ट्राची व जनतेची सुटका करण्यासाठी त्यांना हे झोपेचं नाटक करणं जरूरी आहे. मदारी आणि हिरोजी आपलं राऊत आणि धाकले राजे बघतील काय कोणाला भेटायचं बोलायचं, मिठाईचे किती पेटारे (खोके) आले म्हणजे आत वर्दी द्यायची.

काहीच ईतिहास शिकला नाहीत राव तुम्ही.

कोणीतरी त्यांच्या कानात जाऊन सांगितलंत 'राजे, अफझल खानाने तुमची मिठाई जनतेलाच वाटून टाकली आणि जनतेला अफझल खानच प्यारा आहे आणि तुम्ही जनतेला नकोतच' मग बघा कसे ते अफझल खानाला स्वतःहून आलिंगन द्यायला ते येतात की नाही.

फलाटावर गाड्या लागल्या आहेत त्यांच्या टाईमटेबल आणि ठेसनाच्या शेड्युलप्रमाणे.
बसायचं तर बसा नाहीतर चालू लागा. उगाच मोटरमनशी हुज्जत कशाला.

जी एस. अगदी बरोबर लिहीलेय.

कुठल्यातरी खुळचट कॅल्क्युलेशन वर युती तोडणं हा जेवढा वेडेपणा होता तेवढाच वेडेपणा त्यांनी भाजपा, मोदी व शहा यांच्या विषयी गरळ ओकून केला. जेव्हा भाजपानी जाहीर केलं की आम्ही शिवसेनेवर टीका करणार नाही, तेव्हा उ. ठा. ना समजायला हवं होतं की भाजपा निवडणुकीनंतरच्या संभाव्य ( लागलीच तर ) युती साठी ग्राऊंड तयार करतंय. इतकी वर्षं राजकारणात घालवलेल्या माणसाला स्वतःच्या, शत्रुपक्षाच्या ताकदीबद्दल व शत्रुपक्षाच्या खेळींबद्दल एवढं देखील जज्मेंट नसावं?

त्यांना अद्दल घडायलाच पाहिजे.

जी एस! अगदी अचुक निदान, खरच उधो ना गदागदा हलवुन जागे ़कराव कुणितरी!

उत्तम लेख

उद्धव यांनी आपले पत्ते लगेच ओपन न करण्यात शहाणपणा आहे. परीस्थिती अशी आहे कि, भाजपाला सेनेची जितकी गरज आहे त्याच्या १०% हि भाजपची गरज सेनेला नाहि. सो हि मस्ट बी सिटींग प्रिटी अँड वॉचींग, रादर वेटींग फॉर द ड्रामा गेटींग अनफोल्ड.

छान छान!
यातील एक महत्त्वाचा मुद्दा- युती तुटली नसती तर निर्विवाद सत्तेवर आली असती हे मान्य!

आता जागा खरेच २२३ असत्या की कसे हे ठरवताना-
१. युती तुटली नसती तर आघाडीही तुटली नसती
२. आघाडी तुटली नसती तर कित्येक दलबदलु भाजपा शिवसेनेत गेले नसते
३. कॉ आणि रा कॉ यांची प्रत्येक मतदारसंघातल्या मतांची बेरिज शिवसेना आणि भाजपा यांच्या मतांपेक्षा किती अधिक किंवा कमी?
४. उगाच अपक्षाना इतकी मते पडली असती का.

अश्या काही अगदीच किरकोळ मुद्द्यांकडे दुर्लक्षं झालं आहे.

चालायचंच . बडेबडे विश्लेषणमें ऐसी छोटी छोटी बाते होतीही रहती है!

महाराष्ट्राच्या जनतेने राष्ट्रवादी आणि काँग्रेसच्या विरोधात भाजप आणि सेनेला त्यांना नको असताना एकत्र सत्ता स्थापनेचा कौल दिला आहे. यात आघाडी शासनाने केलेल्या भ्र्ष्टाचाराचा विरोध असाही भाग आहेच.

महाराष्ट्राच्या जनतेच्या मनात या दोघांच सरकार याव अस असताना खेळ्या कसल्या करताय ?

तुमचा खेळ चाललाय पण जनतेच्या मनाचा काही विचार कराल की नाही ?

पर्र्फेक्ट विश्लेषण !!

हे एवढ सगळ आपल्याला कळत आणि तिकडे काहिच कलत नाही असे असेल का? शॉर्ट ट्र्म आणि लाँग टर्म विचार होतच नसेल का? एक मेकांचे छुपे इरादे , करणे, दाखवणे , तिसरेच निर्णय घेणे हे प्रकार होत नसतील का? फरफट नेमकि काय असते?... इत्यादी इत्यादी... माझ्या मते ठाकरे इस गोइंग वेल दिस टाइम. ठंडा करके खाव.

विरोधी पक्षात बसुन असे काय नुकसान होणार आहे जे सत्तेत असुन होणार नाहि. आणि केंद्रातील उदाहरण समोर असताना. आता काँग्रेसमुक्त नंतरचे लाट प्रादेशिक पक्ष मुक्त असेल. फक्त सुरवात महाराष्ट्रात होणार नाही. जर शक्य झाले तर शेवट मात्र इथे होउ शकतो.

वाचाळवीर : ही एक मस्त स्ट्रॅटेजी अस्ते. कारण संभाळुन घेणे, सारवासारव करणे खुप सोपे जाते. आणि मेसेज जायचा तो जातोच.

त्रयस्थ म्हणुन वाचल्यावर लेख गंडलाय असेच वाटते कारण तुमच्या मनात जे आहे ते होत नाहीय याचा पुरेपुर 'आवाज' ल्खात येत आहे. बस्स्स

उद्धव ठाकरे झोपलेत हे कोणी ठरवले? भाजप शिवसेनेत लोकसभेच्या राष्ट्रीय पक्षाने आणि विधानसभेच्या प्रादेशिक पक्षाने अधिक जागा लढवायच्या हे अनेक वर्षांचे समीकरण होते.ते तोडायचेच होते तर लोकसभेच्या वेळीच का नाही तोडले? लोकसभेत भाजपला २७२च्या वर जागा मिळाल्या नसत्या तर तुटले असते का?

बचेंगे तो और भी लडेंगे ही वृत्ती कायम राहू दे.

छान लिहिलयंस जीएस... आकडेवारीतून वस्तुस्थिती बरीच स्पष्ट होऊ शकते...

http://www.maayboli.com/node/51291 हे घ्या हे पण सुरुच आहे. वर जे मला म्हणायच्गे होते ते अलरेडी प्लॅनवर आलेय

उद्धव ठाकरे झोपलेत हे कोणी ठरवले? >>>>> +१००

भाजप शिवसेनेत लोकसभेच्या राष्ट्रीय पक्षाने आणि विधानसभेच्या प्रादेशिक पक्षाने अधिक जागा लढवायच्या हे अनेक वर्षांचे समीकरण होते.ते तोडायचेच होते तर लोकसभेच्या वेळीच का नाही तोडले? >>>>> त्यावेळी ही प्रोसेस जोर्शोर्से सुरु होती. पण संघाने हस्तक्षेप केला. संघाच्या ग्राउंडसर्वे नुसार भाजपा बहुमतात आलेच असती आणि त्यांना कसलेच लोडणे नको होते. पण ती रिस्क घ्यायची गरज वाटली नाही.

लोकसभेत भाजपला २७२च्या वर जागा मिळाल्या नसत्या तर तुटले असते का?>>>> नाही.

निकालाच्या दिवशीच एक विश्लेषक म्हणाला की राष्ट्रवादीने बाहेरुन पाठिम्बा दिलाय, भाजपाला आता तशी अवदसा नाही आठावली म्हणजे झाले. त्यानी सेनेबरोबरच जावे हे उत्तम. स्व. बाळासाहेबानी सुद्धा असे कधी केले नाही. ते स्वतः बोलत.

जी एस मनातले बोललात.

राकाँचा बाहेरून पाठिंबा घेणे= अवदसा आठवणे

हे समीकरण कळले नाही.

मग बबनराव पाचपुते, अनिल गोटे यांच्यासारख्यांना तिकीट देणे = ?

की पवार पायाखालचे कधीही खेचून घेतील अशी भीती आहे?

युती तुटली, युती तोडली, ह्याने तोडली त्याने तोडली, एवढ्यावरून तोडली तेवढ्यावरून तोडली .....अरे हे काय टाळ कुटणं चालू आहे पार ईलेक्षन होऊन सुद्धा.

जरा तरी कॉंंग्रेस, राष्ट्रावादीसारखे प्रोफेशनल वागा की राव. दोघं मिळून कामं करा (खा प्या मजा करा) नसेल जमत तर तुझं तू माझं मी. फार काही धुसफुस झाली नाही त्यांच्यात.
तेरी जीत मेरी जीत तेरी हार मेरी हार किती मस्त दोस्ती होती राव दोघांची.

आणि हे बघावं तेव्हा नुसते ईमोशनल बोलत असतात. ही अशी ईमोशनल आणि ईमॅचुअर, ऊतावीळ आणि शॉर्ट साईटेड लोकं आमचे नेते होणार.. लाज वाटते ह्यांची.

किती जणांना वाटते 'चांगले झाले युती तुटली/तोडली ते' मला तर जाम आनंदच झाला आहे.

'कॉंग्रेसमुक्त भारत' बरोबरच 'कोअलेशन मुक्त भारत' भाजपाने आता जनतेला दिलाच पाहिजे. अमित शहा बोललेही तसं टाईम्सच्या मुलाखतीत.

छान विश्लेषण.

अक्कल आहे का? स्व. बाळासाहेबानी सुद्धा असे कधी केले नाही. ते स्वतः बोलत.>>>

तशीही याला राजकीय जाण कमीच आहे, नुसता अर्ध्या हळकुन्डाने पिवळा झालाय.>>>
बघायचय का खळ्ळ फट्याक कशाला म्हणतात ते. अ‍ॅडमिन..... वाचताय ना ?

पण एक मात्र आहे, भाजपाच्या गुजराती हत्तीला सेना किँवा NCPचा अंकुश बसेल व मोदी शहांच्या महाराष्ट्रद्वेषी मानसिकतेला लगाम बसेल.

प्रदेशिक पक्षांचे महत्व कमी असलेलेच बरे. गेल्या १० वर्षात केंद्रतिल सरकारचे प्रदेशिक पक्षांच्या वर्चस्वामुळे काय झाले हे बघुन तरी हे लोकांना समले पाहीजे. कॉंग्रेसची वाताहत प्रादेशिक पक्षांवर अतिरेकी अवलंबुन राहाण्यानेच झली आहे.

भा ज प काय कोणत्याही राष्ट्रीय पक्षाची ही स्ट्रॅटेजी योग्यच आहे.

<पण अरे भाऊ हे तू त्या उधोजीला सान्ग ना. सन्जय राऊत आणी मिलीन्द नॉर्वेकर सारखे भाट याला येड्यात काढतात आणी हा मिसरुड फुटलेल्या मुलाला वाटाघाटी साठी पाठवतो, अक्कल आहे का? स्व. बाळासाहेबानी सुद्धा असे कधी केले नाही. ते स्वतः बोलत.>

बाळासाहेब कोणाकडे गेले होते वाटाघाटींना?

निपा, जाऊ द्या हो. त्या, उधोजीरावांना त्यांच्या (उधोजीरावांच्या) लहानपणापासून ओळखत असतील. आदुबाळालाकटीखांदी खेळवले असेल. आपल्याला काय माहीत?

ताज्या बातमीनुसार भाजपा एकटेच सत्ता स्थापनेच्या प्रयत्नात आहे. आगे देखेन्गे क्या होता है.

.

<<त्रास झाला का भाजपाला बहुमत मिळाले म्हणून?>>

भाजपाला बहुमत मिळाले? मला कोणीच नाही सांगितलं.

जीएस....

लेख तर अगदी अभ्यासपूर्ण असा झालाच आहे त्या शिवाय तुम्ही प्रस्तुत केलेला तो संख्याशास्त्रीय विश्लेषणाचा भागही योग्य मांडणीमुळे वाचनीय झाला आहे. तुमचे या क्षेत्रातील स्वारस्य अगदी स्पष्ट दिसते जे निश्चित्तच अभिनंदनीय आहे. अशा लेखांची सर्वसामान्यांना वाचनासाठी आवश्यकता असते.

लोकसभेच्या निवडणुकीमध्ये महाराष्ट्रात भाजप+शिवसेना (२३+१८ जागा) याना जे नेत्रदीपक यश मिळाले, त्याहीपेक्षा कॉन्ग्रेसला केवळ २ आणि राष्ट्रवादीला ४ हे आकडे या दोन्ही पक्षांच्या पायाखालचे घोंगडे जनतेने काढून घेतल्याचे अधोरेखीत झाले होते. २३ खासदार असलेले कमळ (मोदी करिष्मा या जोरावर) पुढील विधानसभेच्या निवडणुकीच्यावेळी आपला उचित असा डौल दाखविणार हे शिवसेनेला समजले नसेल असे म्हणणे भाबडेपणाचे होईल. कमळ की मोदीप्रभाव याहीपेक्षा धनुष्यबाण की उद्धव ठाकरेप्रभाव हे कोडे महाराष्ट्र मतदारासमोर समोर आणले तर इथला नागरिक प्रथम मोदी नावाने भारून गेला होता हे उघड होते. शिवसेनेच्या मागे बाळासाहेबांची जी पुण्याई आहे ती तशीच राहील यात संदेह नाही, त्यामुळेच उद्धव ठाकरे वा त्यांच्या भक्तांनी यानी माझ्यामुळे १८ खासदार निवडून आले असे म्हणणे प्रौढपणाचे लक्षण नव्हते. विधानसभेसाठी शिवसेना १४० व भाजपा १३० हा प्रस्ताव कमळाकडूनच आला होता, जो अगदी योग्य होता असे त्यावेळीही वाटले होतेच. पण निवडणूक कुठल्या कुठे तर त्या अगोदरच मुख्यमंत्री पदावरील आपला हक्क राखण्याची तयारी करणे हेच पचनी पडणे कठीण गेले. आज निकाल जाहीर झाल्यावर उमजते की हे दोन पक्ष एकत्र असते तर त्रिशंकू अवस्थेला प्रवेश मिळाला नसता. घड्याळाने कमळाला पाठिंबा दिला, त्याचे राजकीय विश्लेषण होत आहेच....त्यातून एकच बाब स्पष्ट होत जाते ती म्हणजे शिवसेनेने आता अटी न घालता एकतर सरकारात सामील व्हावे....मुख्यमंत्री पद तर गेलेच, तरीही सरकार चालविण्यातील एक प्रमुख घटक म्हणून आपले स्थान राखणे अन्यथा ना विरोधी ना मित्रपक्ष म्हणून तटस्थतेने विधानसभेत आपल्या ६० जागा सांभाळणे.

चांगलं विश्लेषण..

पण युती तोडणं हे ठरवूनच केलं असण्याची शक्यता अधिक वाटते आहे. मॅच फिक्स्ड केल्यासारखं...