निर्माल्य होउन जायचे

व्वा !

सुंदर

अंध प्रेमाची मजा लुटल्यावरी
व्यर्थ का डोळे अता उघडायचे?<<< चांगला खयाल, छान शेर!

लावला कबरीवरी कोणी दिवा?
चाहुलीने आत झंकारायचे<<< असे शेर रचताना त्यातील पार्श्वभूमीवर विचार करायला हवा असे मला तरी वाटते. कबर, शम्मा ही आपली (म्हणजे हिंदूंची किंवा मुस्लिमेतरांची) संस्कृती नाही. संस्कृती आपली नसेल तर त्या संस्कृतीतील शेर आपल्याला का रचावासा वाटला ह्याचे कोठेतरी लहानसे तरी समर्थन यावे अशी अपेक्षा! नाहीतर मग उर्दू अनुवादित शायरी वाचल्यासारखे वाटेल.

माझा एक मक्ता होता:

जाळले 'बेफिकीर' हिंदूंनी
शायरी तेवढी दफन केली

ह्यात असे म्हणायचे आहे की:

जे बेफिकीर हिंदू होते त्यांनी मी गेल्यावर माझे शव हिंदू प्रथेप्रमाणे जाळले, पण माझ्या शायरीचा बाज उर्दू असल्यामुळे माझी शायरी तेवढी पुरून टाकली. (हिंदूंना बेफिकीर हे विशेषण अश्यासाठी की शायरी माझीच आहे म्हंटल्यावर मलाही शायरीप्रमाणेच पुरायलाच हवे होते, पण तेथे धर्म आडवा आला).

ह्या मक्त्यात दोन संस्कृतींची सांगड घालण्याचा प्रयत्न केल्याचा निदान एक दुवा तरी आहे.

ह्यावर विचार व चर्चा व्हावी अशी इच्छा!

निशिकांतजी - माझ्या ह्या प्रतिसादामुळे कृपया दुखावले जाऊ नयेत अशी विनंती!

लावला कोणी असे प्रश्नार्थक करण्याऐवजी लावता कोणी असे केले तर फरक पडेल बहुधा
पण खालची ओळ स्वतंत्रपणे वाचता आज्ञार्थी वाटते आहे हाही एक प्रॉब्लेम असावा

अंध प्रेमाची मजा लुटल्यावरी
व्यर्थ का डोळे अता उघडायचे?

छान…