उशीर

हो दोन गट असावेत बहुधा. एक म्हणजे ऑफिस व इतर नावडीच्या ठिकाणी पाय ओढत ओढत उशीरा कसेबसे जाणारे पण आवडीच्या ठिकाणी बरोब्बर वेळेत जाणारे, तर दुसरा गट सगळीकडेच उशीरा जाणारे - वेळेचे नियोजन अजिबात न जमणारे व त्यामुळे आवडीच्या गोष्टीला सुद्धा वेळेवर कसे पोहोचायचे हे न कळणारे

मात्र अगदी वेळेवर येणार्‍या लोकांचे मला नेहमी आश्चर्य वाटते. वेळेआधी येणारे समजू शकतो, पण परफेक्ट वेळेवर येणे हे महा-अवघड. हे लोक बहुधा वेळेआधी पोहोचून पाच दहा मिनीटे जवळपास इतरत्र काढून मग येत असावेत. मुंबईत लोकल इंडिकेटर वर 'लावायच्या' आधी पुलावर थांबून मग ऐन वेळेस त्या प्लॅटफॉर्म वर धावत उतरतात तसे

दोन प्रश्न पडले -

१) लग्नाचा जो मुहुर्त असतो तो नक्की एकमेकांना हार घालायचा असतो की मंगलाष्टके सुरु करायचा असतो?
आणि तो मुहुर्त अचूक साधला जाण्यासाठी योग्य आणि अचूक वेळ दाखवणारे घड्याळ लग्न लावणार्‍या गुर्जींकडून फॉलो केले जाते का? तसेही लग्नाचा मुहुर्त टळतोय की मिळतोय याचे सर्वात जास्त टेंशन त्यांनाच असते.

२) असे म्हणतात की जन्माच्या वेळी डिलीव्हरीची तारीख जी दिली आहे ती टळून गेल्यावर या जगात प्रवेश करणारे प्रत्यक्ष आयुष्यात मात्र वेळेच्या आधी पोहोचणारे असतात,
याउलट जे जगात ९ महिने ९ दिवस भरायच्या आधी येतात ते मात्र प्रत्यक्ष आयुष्यात लेट लतीफ म्हणून ओळखले जातात.
तर तिसरा आणि दुर्मिळ गट जो डॉक्टरने सोनोग्राफीनुसार दिलेली तारीख पाळून या जगात प्रवेशतात ते मात्र आपला हा लौवकिक टिकवण्यासाठी कायम धडपडत असतात. आणि ते नेहमी ना आधी ना उशीरा अशी पर्रफे़क्ट वेळ पाळतात.
हे खरे आहे का? का मिथ आहे?