गार्‍हाणी देवास घातली होती

Submitted by वैभव फाटक on 10 August, 2014 - 23:48

गार्‍हाणी देवास घातली होती
देवाने समजूत काढली होती

स्वप्न गुलाबी पूर्ण पाहता आले
प्रभा उजाडायची थांबली होती

मागमूस नाही जेथे छायेचा
अशा दिशेने उन्हे चालली होती

तिची कहाणी तशी पाहता मोठी
पण काही अश्रूत मावली होती

पळून गेली जरी थोरली कन्या
फळे धाकटीनेच भोगली होती

वैभव फाटक ( २८ जुलै २०१४)

विषय: 
काव्यलेखन
शब्दखुणा: 
वैभव फाटक; मराठी गझल
Groups audience: 
गुलमोहर - गझल
Group content visibility: 
Public - accessible to all site users
शेअर करा

छानच

Submitted by अरविंद चौधरी on 11 August, 2014 - 00:00