कवितांची पुस्तकं

धन्यवाद! बरेच संग्रह आहेत तुझ्याकडे.

पद्मा म्हणजे पद्मा गोळे का.. हो त्याच असतील कारण श्रावण आणि नीहार ही त्यांच्याच काव्यसंग्रहाची नावे. आता कदाचित ही दोन संग्रह मिळणार देखील नाहीत. आपल्याकडे हा नेहमीचा प्रश्न आहे की एकदा लेखक जुने झालेत की मग त्यांची पुस्तकं कालबाह्य होतात आणि मग ती फक्त ग्रंथालयात संदर्भ प्रत म्हणून आढळतात. कित्येक चांगली चांगली पुस्तक मिळणे दुरापास्त झाले आहे.

आता जर सा. स. जात असणार तर तिथे तुला अशी दुर्मिळ पुस्तकं मिळू शकतील पण किम्मत मात्र नक्कीच अबब असेल.

खरं तर वाचकांनी एकत्र येऊन जुनी पुस्तकं पुन्हा एकदा छापली जावीत म्हणून प्रकाशनाकडे विनंती करायला पाहिजे. किती किती पुस्तकं सापडत नाहीत. संदर्भ मात्र कितीतरी ठिकाणी येतात त्या पुस्तकांचे पण पुस्तकं काही सापडत नाहीत. देशात गेल्यानंतर अशी पुस्तकं ग्रंथालयात आढळली तरी ती वाचून किंवा नक्कल प्रत घेण्याइतपत वेळ नसतो.

बरं आता मी माझ्या स्वाक्षरी मधे दोन संकेतस्थळ टाकणार आहेत. तिथे जाऊन एक फार मोठे दालन वाचकांना आढळणार आहे अत्यंत जुनी मराठी पुस्तकं तिथे ठेवलेली आहेत. फक्त डाऊनलोडचा गहन प्रश्न आहे. मला हवे असलेले सावरकरांचे कमला हे खंड्काव्य मला तिथेच मिळाले.

निकुंबांचे सर्व कविता संग्रह आणि पद्मा गोळेंची सर्व काव्यसंग्रह मला हवे आहेत. निकुंबाची चंदन कविता मी किती दिवसांपासून शोधत आहे. साठ आठ वर्ष झालीत मला ही कविता हाती लागत नाही आहे

मला असे ऑनलाईन ग्रंथालय मिळाले की मी आधी तुला कळवेन

त्या माणसाला सांगायला हवे की असा एक स्वतंत्र व्यवसाय तो काढू शकतो. ऑनलाईन ग्रंथालय उघडू शकतो.