म्हणतात लोक, वारा पडला आहे.....

Submitted by profspd on 10 June, 2014 - 04:16

म्हणतात लोक, वारा पडला आहे.....
तो विश्रांती घेत पहुडला आहे!

मज प्यार चढण अन् वळण नागमोडी....
आपखुशीने मार्ग निवडला आहे!

ना उगाच त्याची काया पालटली....
जगण्याच्या जात्यात भरडला आहे!

बंदच होती दारे जगण्याची ती....
दरवाजा मी एक उघडला आहे!

माणूस एक अन् केवढा पसारा.....
कसाबसा तो आज सवडला आहे!

चोवीस तास शायरीत मी बुडतो.....
पत्नी म्हणते पती बिघडला आहे!

ना सरळ एवढ्या, न्याय मिळाला तो....
तहहयात तो अरे, झगडला आहे!

पायघोळ स्वप्नांचा अंगरखा तो.....
मीहून अखेरीस दुमडला आहे!

रस्त्यालाही कणव कधी ना आली....
दुरून बघतो पथिक रखडला आहे!

मी काय खकाणा होतो मिरचीचा?
ठसक्याने जो तो अवघडला आहे!

काय एवढा जाचक मी झालेलो?
कोणी अडला, कोणी नडला आहे!

प्रेम किती ते निरोपसमयी कळले....
हरडोळा मजसाठी रडला आहे!

बरळणे कशाला मनावरी घेऊ?
मेंदूच सर्व त्याचा सडला आहे!

तोंडामधुनी ब्र न काढतो केव्हा.....
प्रथम पाहिले तो खडखडला आहे!

यश उगाच नाही हाताला आले.....
तो कितीक वेळा धडपडला आहे!

-------प्रा.सतीश देवपूरकर
फोन नंबर: ९८२२७८४९६१

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा