आजच्या पावसात..

Submitted by रमा. on 19 May, 2014 - 23:45

कुण्या पावसाने किती मत्त व्हावे
तुझा स्पर्श होता, पुन्हा वादळ यावे
फुलोरा फुलावा, तन्मनातून सार्‍या
तुला पाहता चिंब त्यानेच गावे

नभांच्या पल्याडून असे शिडकावे
आभाळी स्वप्नांचे किती हेलकावे
निळाई रुजावी भूईच्या उराशी
नि हिरवाईने लख्ख जन्मास यावे

पुन्हा रंग-गंधात रमवून जीवा
सरींतून या मी, तुझी भेट घ्यावी
अंतरातून सार्‍या बरसून आणि
विसरून जावे जूने हेवेदावे

विषय: 
लेखन
Groups audience: 
गुलमोहर - कविता
Group content visibility: 
Public - accessible to all site users

<<निळाई रुजावी भूईच्या उराशी
नि हिरवाईने लख्ख जन्मास यावे>>

सुंदर ओळी, सुरेख रचना Happy

Submitted by अमेय२८०८०७ on 19 May, 2014 - 23:55

नभांच्या पल्याडून असे शिडकावे
आभाळी स्वप्नांचे किती हेलकावे
निळाई रुजावी भूईच्या उराशी
नि हिरवाईने लख्ख जन्मास यावे >> आवडले !

Submitted by मुक्तेश्वर कुळकर्णी on 20 May, 2014 - 01:26