Submitted by UlhasBhide on 14 May, 2014 - 00:01
टीप : गझल आकृतीबंधातल्या या रचनेतील द्विपदींचा मूड
एकमेकापेक्षा खूपच वेगळा असल्याने ’द्विपदावली’ हे शीर्षक योजले आहे.
द्विपदावली
प्रत्येक दिवस व्हावा दीपावलीप्रमाणे
रंगात रंगलेल्या रंगावलीप्रमाणे
अपुल्यामधील अंतर कित्येक योजनांचे
प्रेमात लंघले मी शतपावलीप्रमाणे
चुकला फ़कीर येतो मशिदीमधे फिरूनी
’आहेच गोल दुनिया’ नियमावलीप्रमाणे
रुपया तुझा म्हणूनी शेखी नकोस मिरवू
उंचीवरून दिसतो तो पावलीप्रमाणे
बेसूर कावळ्याची जी कावकाव चाले
वाटे प्रियेस त्याच्या ‘केकावली’प्रमाणे
पर्वा नसे कुणाची ठेवोत लोक नावे
मी मिरवितो तयांना बिरुदावलीप्रमाणे
हाकून काफियांचा तांडा गुरांप्रमाणे
रचणे गझल नसावे द्विपदावलीप्रमाणे
.... उल्हास भिडे (१४-५-२०१४)
विषय:
Groups audience:
Group content visibility:
Public - accessible to all site users
शेअर करा
रुपया तुझा म्हणूनी शेखी नकोस
रुपया तुझा म्हणूनी शेखी नकोस मिरवू
उंचीवरून दिसतो तो पावलीप्रमाणे<<< मस्त
सर्व शेर छान
सर्व शेर छान आहेत...
शतपावली,पावली ....मस्तच
व्वा काका व्वा सगळे शेर
व्वा काका व्वा
सगळे शेर "भिड"ले
येवूद्यात अजून गझला
रुपया तुझा म्हणूनी शेखी नकोस
रुपया तुझा म्हणूनी शेखी नकोस मिरवू
उंचीवरून दिसतो तो पावलीप्रमाणे >> हा शेर अगदी झटकन भावून गेला.
बाकीचे ही छान आहेत.
रुपया तुझा म्हणूनी शेखी नकोस
रुपया तुझा म्हणूनी शेखी नकोस मिरवू
उंचीवरून दिसतो तो पावलीप्रमाणे<<<<<<<सुंदर शेर
गझल आकृतीबंधातल्या या रचनेतील द्विपदींचा मूड
एकमेकापेक्षा खूपच वेगळा असल्याने ’द्विपदावली’ हे शीर्षक योजले आहे.
हिला गैरमुसलसल गझल म्ह्णतात, अशाच गझला जास्त प्रमाणात लिहिल्या जातात!
सगळ्याच द्विपदी छान......
सगळ्याच द्विपदी छान...... रुपया तर एकदम खणखणला !!
सर्व शेर आवडले सर
सर्व शेर आवडले सर
वा ...अनेक शेर फार आवडले .
वा ...अनेक शेर फार आवडले .
अपुल्यामधील अंतर कित्येक
अपुल्यामधील अंतर कित्येक योजनांचे
प्रेमात लंघले मी शतपावलीप्रमाणे
वा.
va, pharach surekh rachana
va, pharach surekh rachana ahe Ulhaskaka aaj vachali mi..
प्रत्येक दिवस व्हावा
प्रत्येक दिवस व्हावा दीपावलीप्रमाणे
रंगात रंगलेल्या रंगावलीप्रमाणे
अपुल्यामधील अंतर कित्येक योजनांचे
प्रेमात लंघले मी शतपावलीप्रमाणे
चुकला फ़कीर येतो मशिदीमधे फिरूनी
’आहेच गोल दुनिया’ नियमावलीप्रमाणे
रुपया तुझा म्हणूनी शेखी नकोस मिरवू
उंचीवरून दिसतो तो पावलीप्रमाणे
अप्रतिम.
सर्व द्विपदी आवडल्या .
सर्व द्विपदी आवडल्या .