माझी कोकणवारी

सालाबाद प्रमाणे रानडे परिवार कोकणातील दापोलीजवळील आसुद गावी असलेल्या श्री व्याघ्रेश्वराच्या दर्शन आणि अभिषेकानिमित्त जात असतो.

यंदा दि. २२ मार्च २०१४ रोजी सकाळी ४.३०वा तवेरा मधुन रानड्यांच्या दोन पिढ्या आसुद गावी निघाल्या. दर्शन, महादेवाचा अभिषेक झाल्यावर मंदिरापासुन हॉटेलवर जाईपर्यंत आपल्यात एक फोटोग्राफर दडला असल्याची जाणीव अस्मादिकांना या काजुच्या झाडावरील काजुच्या गराने आणि फळाने करुन दिली.

या दोघांना कॅमेर्‍यात बंदिस्त करुन हॉटेलवर पोचले, जेवण-आराम करुन संध्याकाळी समुद्राला भेट द्यायला सहकुटुंब गेलो. पाण्यात यथेच्छ डुंबुन, भाच्याला किल्ला बनवायला मदत करुन झाल्यावर साबांनी आणलेल्या भेळेचा आस्वाद घेताना भास्करपंतांनी त्यांच दुकान बंद करत असल्याची जाणिव करुन दिली, मग त्यांनाही बंदिस्त केल कॅमेर्‍यात..

अंधार पडल्यावर हॉटेलवर येउन फ्रेश होउन जेवलो आणि परत बीचवर गेलो चांदण्या बघायला. सुदैवाने आकाश निरभ्र असल्याने आकाशात पडलेला चांदण्यांचा खच बघता आला.. अस आकाश फक्त आणि फक्त समुद्रकिनारीच बघता येत...

दि. २३ मार्चः
सकाळी उठुन चहा पिउन ताजतवान होउन गेलो परत समुद्राला भेटायला आणि उगवत्या सुर्याला आणि त्याच्या प्रतिबिंबाला कॅमेर्‍यात बंद करुन टाकल.

फोटो काढुन परतीच्या वाटेवर असताना यांनी दर्शन दिल.
स्टार फिश

तिथुन निघालो आणि दापोलीजवळ माझ्या माहेरी आलो. कथा कादंबर्‍यांमधुन असत की नाही स्त्री पात्राच कोकणातल माहेर अगदी तस्सच हे माझ कोकणातल माहेर. गो. नि दांडेकरांच्या पडघवलीमध्ये असलेल पडघवली गाव ज्याच खर नाव आहे "गुडघे" कोकणातल माझ माहेर.

आणि आता अन्जुडे दिल थाम के बैठो क्योंकी आ रहा है तुम्हारा प्रॉमिस:
गो. नि दांडेकर उर्फ आप्पांच घर

तिथुन निघाल्यावर वाटेत भोर घाटात विश्रांतीसाठी थांबलेलो असताना दिनकररावांचे लोभसवाणे दर्शन झाले आणि त्यांना कॅमेर्‍यात टिपण्याचा मोह अज्जिबात टाळु शकले नाही...
हे दिवसभराच काम संपवुन घरी निघालेले दिनकरराव