Submitted by निशिकांत on 12 March, 2014 - 02:12
सोडलेला गाव माझा दूर आहे
लागली हळव्या मना हुरहूर आहे
टेकड्या शहरातल्या हरवून गेल्या
लॉन टिचभर वाटते भरपूर आहे
झोपडीतुन भूक जळते; गोपुरी पण
नांदतो का सोनियाचा धूर आहे?
धूप, चंदन. तेल, काजळ बंद झाले
राखण्या सौंदर्य डव, संतूर आहे
जाहिराती केवढ्या! लपवावयाला
वास्तवाचे चित्र जे भेसूर आहे
वाटते नेत्यांस, आहे शांत जनता !
अंतरी आक्रोशते काहूर आहे
"टाक मत झोळीत" म्हणती सर्व नेते
भीक ग्रहणी मागणे मंजूर आहे
लाचखोरी अश्वमेधाला निघाली
अश्व त्यांचा दौडतो चौखूर आहे
गीत गा "निशिकांत" अंती ईश्वराचे
लागलेला आर्त हळवा सूर आहे
निशिकांत देशपांडे.मो.क्र. ९८९०७ ९९०२३
E Mail--- nishides1944@yqhoo.com
विषय:
Groups audience:
Group content visibility:
Public - accessible to all site users
शेअर करा
गझल आवडलीच मक्ता
गझल आवडलीच
मक्ता नेहमीप्रामाणे उत्तमच
सगळेच शेर आवडलेच
हा वेगळा वाटला (दुसरी ओळ जास्त )
"टाक मत झोळीत" म्हणती सर्व नेते
भीक ग्रहणी मागणे मंजूर आहे
भीक ग्रहणी मागणे<< चोख चपखल कल्पना देशाच्या सध्य हालातीचे नेमके वर्णन !
धन्यवाद काका
खूप छान..
खूप छान..