छळतात ही उन्हे अन् छळतात सावल्याही

Submitted by मयुरेश साने on 3 January, 2014 - 05:44

छळतात ही उन्हे अन् छळतात सावल्याही
ठरवून टाकले की बरसायचेच नाही

ॠतु चक्र आठवांचे सोसायचे कसे रे
बदलायचा ॠतूंना सांगा उपाय काही

निवडून कोण येतो याची नकोच चिंता
या फाटक्या खिशाला लुटणार लोकशाही

बाकी बरीच आहे अश्रुंसवे उधारी
आणू कुठून हासू ओठावरी तुझ्याही

मृत्यू समीप असतो श्वासागणीक अपुल्या
तो भेटणार आहे कोठूनही कसाही

.......मयुरेश साने

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

सगळेच शेर खूप आवडले मयुरेश छान झालीये गझल
या फाटक्या खिशाला लुटणार लोकशाही< <<< ही ओळ मस्त रोमहर्षक वाटली

ऋतुचक्र हा शब्द असा एकसंधच असेल असे वाटते

Submitted by वैवकु on 3 January, 2014 - 13:07

संपूर्ण गजल मस्तच ...

मृत्यू समीप असतो श्वासागणीक अपुल्या
तो भेटणार आहे कोठूनही कसाही >>>> हा विशेष आवडला .....

Submitted by पुरंदरे शशांक on 4 January, 2014 - 02:01

बाकी बरीच आहे अश्रुंसवे उधारी
आणू कुठून हासू ओठावरी तुझ्याही<<< छान शेर!

शीर्षक ओळही आवडली.

Submitted by बेफ़िकीर on 5 January, 2014 - 02:13