Submitted by स्वाकु on 29 December, 2013 - 11:06
वेदनांचा भार सारा सोसला रे
मी कधी आधार नाही घेतला रे
दु:ख होते नेहमीचे संगतीला
वेगळा संसार नाही मांडला रे
जे असे माझ्या मनी ते सांगते मी
तू कशाला अर्थ खोटा लावला रे
तोल माझ्या भावनांचा सावरावा
एवढा नाही कधी तू गुंतला रे
पापणीला स्पर्श झाला आसवांचा
आसवांचा मी झरा ना वाहिला रे
मेघ आले दाटुनी का आठवांचे ?
मी कधी ना पावसाळा भोगला रे...
विषय:
Groups audience:
Group content visibility:
Public - accessible to all site users
शेअर करा
'टेक्निकली' करेक्ट गझल! दुसरा
'टेक्निकली' करेक्ट गझल!
दुसरा व तिसरा शेर - खयाल छान!
पाचवा शेर - आसवांचा ह्या शब्दाची पुनरावृत्ती टाळता आली असती हे गृहीत धरूनही चांगला खयाल!
शुभेच्छा!
-'बेफिकीर'!
काही शेर आवडले सुरुवातीचे तीन
काही शेर आवडले सुरुवातीचे तीन अधिक छान वाटले मग पुढचे कमी कमी आवडत गेले
असो
शुभेच्छा
दु:ख होते नेहमीचे
दु:ख होते नेहमीचे संगतीला
वेगळा संसार नाही मांडला रे
आश्वासक.
मस्त !
मस्त !
मस्त... दुसरा जास्त आवडला...
मस्त...
दुसरा जास्त आवडला...
तोल माझ्या भावनांचा
तोल माझ्या भावनांचा सावरावा
एवढा नाही कधी तू गुंतला रे
पापणीला स्पर्श झाला आसवांचा
आसवांचा मी झरा ना वाहिला रे >>> हे दोन सर्वात छान वाटले.
---------------------------------------------------------------------------------------------------------------
तू गुंतला रे >>> इथे गुंतलास आवश्यक.
(अर्थात त्यामुळे वृत्तभंग होईल.)
आधीच्या शेरातही लावलास असे आवश्यक.
सगळ्यांचे मनापासून
सगळ्यांचे मनापासून धन्यवाद...
आज पहिल्यांदाच अनेकांचे प्रतिसाद लाभले....अजून चांगले लिहीण्याचा नक्कीच प्रयत्न करीन....
सुंदर
सुंदर