Submitted by ह.बा. on 21 December, 2013 - 02:09
एक भाल्याखालचे अन...
अपयशाचा अर्थ कळतो यश मिळाल्यावर
एक भाल्याखालचे अन एक भाल्यावर
व्यंग, रंगाला, रुपाला अर्थ नाही रे...
हेच कळते संत अथवा प्रेम झाल्यावर
केवढी आंदोलने केलीस सामाजिक
घे जरासा ज्यूस घे सत्तेत आल्यावर
ते तिचे ते जेवढे कळले पुरे आहे
वेदना कळतात सार्या मन कळाल्यावर
द्यायची तर रंगमंचावर वहावा दे
मी खरा नसतो कधी मेकप निघाल्यावर
सावलीचे झाड नेले वादळाने अन
का हबा ठेऊन बसला हात पाल्यावर?
- ह. बा. शिंदे
विषय:
Groups audience:
Group content visibility:
Public - accessible to all site users
शेअर करा
मस्त गज़ल! आवडली. द्यायची तर
मस्त गज़ल! आवडली.
द्यायची तर रंगमंचावर वहावा दे
मी खरा नसतो कधी मेकप निघाल्यावर
सावलीचे झाड नेले वादळाने अन
का हबा ठेऊन बसला हात पाल्यावर?
या दोन द्वीपदी खूप आवडल्या!
चांगली गझल हबा.... मक्ता
चांगली गझल हबा....
मक्ता तर जबरदस्त आहे...एकदम आशयघन...... काही किरकोळ तांत्रिक बाबी जाणवल्या...वहावा सारख्या....
मत्ला-मक्ता आवडला. शुभेच्छा.
मत्ला-मक्ता आवडला.
शुभेच्छा.
शेवटचे दोन सर्वात छान.
शेवटचे दोन सर्वात छान.
मक्ता खल्लास ! भाल्यावर,
मक्ता खल्लास !
भाल्यावर, झाल्यावर, कळाल्यावर, निघाल्यावर.....सगळेच लाजवाब !
धन्यवाद !
सावलीचे झाड नेले वादळाने
सावलीचे झाड नेले वादळाने अन
का हबा ठेऊन बसला हात पाल्यावर?
मस्त शेर!
रंगमंचाचा शेरही मस्त. वहावा बद्दल कैलासरावांशी सहमत!
अपयशाचा अर्थ कळतो यश
अपयशाचा अर्थ कळतो यश मिळाल्यावर
एक भाल्याखालचे अन एक भाल्यावर
व्वा.. मस्त.
व्वा ! वहावा चे वाहवा करणे
व्वा ! वहावा चे वाहवा करणे शक्यच नाही का ? बाकी जबरदस्त !!!!
यायची तर दाद यावी रंगमंचावर.
यायची तर दाद यावी रंगमंचावर.
व्यंग, रंगाला, रुपाला अर्थ
व्यंग, रंगाला, रुपाला अर्थ नाही रे...
हेच कळते संत अथवा प्रेम झाल्यावर
द्यायची तर रंगमंचावर वहावा दे
मी खरा नसतो कधी मेकप निघाल्यावर
सावलीचे झाड नेले वादळाने अन
का हबा ठेऊन बसला हात पाल्यावर?>>>>>जबरदस्त
एक नंबर हणमंतराव.... बरेच
एक नंबर हणमंतराव....
बरेच दिवसांनी "ह.बा." टच नवीन गझल वाचायला मिळाल्याने आनंद झाला.. (तोवर तुझ्या जुन्याच गझला परत परत वाचत होतो )
सुंदर
सुंदर
द्यायची तर वाहवा दे रंगमंचावर
द्यायची तर वाहवा दे रंगमंचावर <<<<असे वाचले
बाकी मला गझलेतले कळत नाही फक्त ही रचना फार फार आवडत आहे इतकेच समजते आहे
धन्यवाद
सर्वांचे आभार"!!!!
सर्वांचे आभार"!!!!