शेपटावर निभावले - दिल्ली निवडणुकांचे निकाल

किती शेपट्या आहेत हो दिल्लीला?

<< सर्वच पक्शांना उमेदवारांची निवड करताना खूप काळजी घ्यावी लागेल. मलीन प्रतिमेच्या आणि गुन्हेगारी पार्श्वभूमीच्या ’टग्यां’ना दूर ठेवावं लागेल>> खरंय. प्रामाणिकपणे व पारदर्शक राहूनही निवडणूक लढवता व जिंकताही येते, हें 'आप'ने दाल्खवून दिलं. म्हणूनच , 'आप'ने सार्वत्रिक निवडणूक लढवली नाही तरीही ह्या विजयाचा परिणाम सर्वच पक्षांच्या उमेदवार निवडीत व एकंदरीतच निवडणूक प्रक्रियेत नक्कीच जाणवेल/ जाणवावा.
दुसरा विशेष प्रसिद्धी न मिळालेला दिल्ली निवडणूकीचा पैलू म्हणजे निवडणूक आयोगाने तिथें घेतलेली सकारात्मक भूमिका; केवळ मतदान निर्विघ्नपणे पार पडावं यावर न थांबतां लोकाच्या निवडणूकीतील सक्रीय सहभागासाठी आयोगाने केलेले प्रयत्न व मतदारांच्या सोईकडे लक्ष पुरवण्याची जाणीवपूर्वक धडपड यामुळे मतदानाची टक्केवारीच नाही तर मतदानाची प्रतिष्ठाही वाढण्यास मदत झाली असावी.
निवडणूक तंत्रावर आपली पकड मक्तेदारी स्वरुपाचीच आहे , हा त्यांचा खूपच जुना पक्का समज असल्याने असं कांहीं अनपेक्षित पचवणं पवारसाहेबाना जरा जड जाणं स्वाभाविकच आहे !

’काही झालं तरी राजकीय पक्श काढायचा नाही आणि निवडणुकीच्या राजकारणात पडायचं नाही. आपण आंदोलनाच्या मार्गाने सत्ताधार्यांवर फक्त अंकुश ठेवायचा’ अशी अण्णांची बोटचेपी भूमिका होती. >>> +१

अनुमोदन पुर्ण लेखाला

बापू, अहो कमी काळात अपेक्षेपेक्षा जास्त मिळालेले यश बोलत आहे हे.
तुमच्या आमच्या सारख्या आम आम अगदीच आम आदमीच्या मताला कोण विचारतो ?

माझ्यामते दिल्लीत आआपाचा "डियर इन द हेड लाइट" झाला आहे. सत्तेत राहुनच हवा तो बदल आणता येतो, या प्रिमायस वरच या पक्षाचा जन्म झाला आहे हि गोष्ट ते विसरले कि काय?

काँग्रेस "अनकंडिशनल" सपोर्ट द्यायला तयार आहे, तरीसुद्धा तो का घेतला जात नाहि हा विचार करण्यासारखा प्रश्न आहे.

राज,

>> काँग्रेस "अनकंडिशनल" सपोर्ट द्यायला तयार आहे, तरीसुद्धा तो का घेतला जात नाहि हा विचार
>> करण्यासारखा प्रश्न आहे.

आआपने भरमसाट आश्वासने दिली आहेत. ती पूर्ण करणे त्यांच्या आवाक्याबाहेर आहे. भविष्यात काँग्रेस स्वत: अटी घालणार नाही, पण तुम्हीच दिलेली वचने पुरी का करत नाही असा धोशा आआपच्या मागे लावू शकतो. ही गोची टाळण्यासाठी केजरीवालना तात्त्विक मुखवटा चढवणे भाग आहे. तसेच एक डोळा २०१४ च्या लोकसभा निवडणुकांवर असल्याने तात्त्विक आडोसा हवाच.

अधिक माहीतीसाठी :
https://www.facebook.com/shares/view?id=223616664476464
http://jagatapahara.blogspot.in/2013/12/blog-post_10.html

आ.न.,
-गा.पै.

>> काँग्रेस "अनकंडिशनल" सपोर्ट द्यायला तयार आहे, तरीसुद्धा तो का घेतला जात नाहि हा विचार
>> करण्यासारखा प्रश्न आहे.

कॉंग्रेस च्या विरुद्द्ध भ्रष्टाचारासाठी ते लढत आहेत..आणि त्यांचा सपोर्ट ते घेतील हे खुपच विचित्र आहे..
आणि भरगोस आश्वासने नाहीयेत..जे जनतेला मिळायला हवे तेच सांगितले आहे असे मला वाटते.. दिल्ली चा बजेट वार्षिक 40,000 करोड आहे..ह्यात सर्व आश्वासने पूर्ण होऊ शकतात..भ्रष्टाचार नाही केला तर! दिल्ली मधे 7-8 दिवस पाणी मिळत नाही आणि टॅंकर कंपनी ला फोन केला की लगेच हवे तेवढे पाणी मिळत..टॅंकर कॉंपनी काय स्वतचे पाणी बनवते..तिथे टॅंकर माफिया आहे असे म्हणतात..
2. बीजेपी आणि कॉंग्रेस आता पर्यंत जोड तोड करत पोलिटिक्स करत आली आहे..हे प्रथमच झालाय की ते म्हणतयात आ आ प. का नाही सत्तेवर येत.

दिल्ली मधे 7-8 दिवस पाणी मिळत नाही आणि टॅंकर कंपनी ला फोन केला की लगेच हवे तेवढे पाणी मिळत..टॅंकर कॉंपनी काय स्वतचे पाणी बनवते..तिथे टॅंकर माफिया आहे असे म्हणतात.. >>>> ऑं मी बहूतेक दुसर्‍या कोणत्यातरी दिल्लीत रहातेय. (कारण आमच्या घरी रोज सकाळी ४.३० ते ८.३० पाणी येतं.ओळखीच्या बर्‍याच जणांकडे सकाळी २ तास आणि संध्याकाळि २ तास पाणी येतं. )

इथे वाचा

http://www.ndtv.com/elections/article/assembly-polls/delhi-polls-water-s...

Residents of Mehrauli said supply of water in the area is very erratic and often they have to rely on water tankers operated by private entities which charge "hefty" amount.
"There is no particular time for water supply. We get water after a gap of 3-5 days. Often we have to call private water tankers," said Vipin Singh, a resident of ward No 1.

>>कॉंग्रेस च्या विरुद्द्ध भ्रष्टाचारासाठी ते लढत आहेत..आणि त्यांचा सपोर्ट ते घेतील हे खुपच विचित्र आहे.. <<
आआपाचं उद्दिष्ट जर सत्तेवर येउन जनतेची कामं करायची असं असेल आणि जर काँगेस "अनकंडिशनल" सपोर्ट (म्हणजे सोप्या भाषेत - आआपा म्हणेल ती पुर्व दिशा) देत असेल तर प्रॉब्लेम काय आहे? हे अ‍ॅब्सोलुट मेजॉरीटी सारखंच नाहि का? व्हाय आप लिडरशिप टीम इज अ‍ॅक्टींग लाइक ए रनअवे ब्राइड?

अरे बाबांनो, असं केलंत तर जनतेत तुमची प्रतिमा अजुन उजळेल, राष्ट्रपती राजवट टाळल्याबद्दल; फेर निवडणुकांचे १०० कोटी रुपये वाचतील ते वेगेळे.

आपचा जनसंपर्क कदाचित आपल्यापेक्षा दांडगा असेल आणि त्यांना मिळालेला जनमताचा कानोसा वेगळेच काही सांगत असेल.

राज, तुमचा मुद्दा अगदी बरोबर आहे. यांना जर आम आदमीची खरोखर काळजी असती तर भाजपला सरकार उभारण्यासाठी निदान बाहेरून पाठिंबा दिला असता आणि लोकांना सांगितले असते की त्रिशंकू स्थिती टाळण्यासाठी तसेच पुन्हा होणारा खर्च टाळण्यासाठी आम्ही अशी भुमिका घेत आहोत. आणि जरी पाठिंबा देत असलो तरी विरोधी पक्षाच्या भुमिकेतच राहू.

पण एकतर आधीपासुन प्रचार करून ठेवला कॉन्ग्रेस आणि भाजपच्या विरूद्ध त्यामुळे आता असे कसे म्हणणार ? आणि दुसरी गोष्ट म्हणजे थोड्या प्रयत्नांमधे एवढे यश मिळाले आहे तर मग पुर्णपणे आपल्यालाच का नको यश विना भागीदारीचे ? असा विचार असणार आहे आआपचा.

लोकहितापेक्षा सुद्धा स्वतःचा स्वतंत्र बलाढ्य पक्ष असणे जास्त महत्वाचे वाटते आहे की काय ?
सगळे असंतुष्ट गोळा होऊन हे सारे हायजॅक करू नयेत म्हणजे झाले.
नाहीतर आधीचे बरे होते असे म्हणायची वेळ यायची.

या सगळ्या गदारोळात मी जे प्रश्न विचारले होते त्याची उत्तरे मला अजुनही कोठेच मिळालेली नाहीत.
विकांताला प्रत्यक्ष आआपला संपर्क साधून विचारणार आहे. मग पुढच्या सप्ताहात सांगेन काही बोलणे झाले तर.

आआप च्या कम्युनिकेशन लाईन्स फक्त विकेण्ड्सना उघडतात का?

>>आआप च्या कम्युनिकेशन लाईन्स फक्त विकेण्ड्सना उघडतात का?
त्यांच्या लाईन्स कायम चालू असतील, पण आमच्या फक्त विकेण्ड्सना चालू असतात !

मला वाटतं आआपची याबाबतची भूमिका वाटते तेव्हढी अगदीच हास्यास्पद नसावी; या पक्षाने सुरवातीपासूनच इतराना सपोर्ट देणे /त्यांचा सपोर्ट घेणे याबाबता आपली भूमिका अगदीं स्पष्टपणे मांडली होती. या पक्षाचं अधिष्ठानच जर प्रामाणिकपणा व पारदर्शकता हेंच असेल [व त्यामुळेच मतदारानी त्याना उचलून धरलं असेल ], तर अगदीं पहिल्याच टप्प्यावर तडजोडीची कांस धरून त्यानी आपल्या भूमिकेशी फारकत घेणं व 'राजकारणात असं चालतंच' म्हणणं म्हणजे मतदारांचा विश्वासघात व तेजोभंग केल्यासारखंच होईल. म्हणूनच, या त्यांच्या भूमिकेकडे आडमुठेपणा म्हणून न पाहतां विश्वासार्हता जपण्याची कळकळ म्हणून पाहिलं तर त्याचे दूरगामी इष्ट परिणाम जाणवतील.

भाऊ,
पण बाहेरून बिनशर्त पाठिंबा मिळत असेल तर मायनॉरिटी का होईना सरकार चालविण्यात काय अडचण आहे?

>>पण बाहेरून बिनशर्त पाठिंबा मिळत असेल तर मायनॉरिटी का होईना सरकार चालविण्यात काय अडचण आहे?
इब्लिसभौ, द्या टाळी, आमचे हेच म्हणणे आहे. चला निदान या बाबतीत तरी मतभिन्नता नाही.

कॉन्ग्रेसने सर्वात मोठा पक्ष ( single largest party) असलेल्या भाजपाला बाहेरून पाठींबा द्यावा असे सरकार चालविण्यात काय अडचण आहे? त्यामुळे नागरीकांना पडणारा पुनर्निवडणूकांचा भुर्दंड वाचेल नाही का?

एका आम आदमीचे मत -

आंतरजालावर राजकारण या विषयावर टंकणारे बरेच जण कोणत्या ना कोणत्या पक्षाचे समर्थक असतात. यामध्ये एकही आम आदमी असा नसतो. आता ते कोणत्या पक्षाचे समर्थक असतील तर देशात असे मोठे राष्ट्रीय पक्ष दोनच. एक कॉंग्रेस, दुसरा भाजपा.. आणि केजरीवाल यांच्या आपने सध्या या दोघांचीही झोप उडवली आहे. त्यांनी आम मतदारांसमोर एक तिसरा पर्याय उभा केला आहे. आजवर भाजपा हि हिंदुत्ववादाच्या मुद्द्यावर निवडणूका लढवत होती. कॉंग्रेसच्या भ्रष्टाचारावर टिका करत होती. पण त्याचबरोबर भ्रष्टाचाराच्या मुद्द्यावर त्यांची स्वताची इमेजही फार साफसुधरी नव्हती. दगडापेक्षा वीट मऊ इतकेच. मात्र आपने निदान प्रचारात तरी आपली साफसुधरी इमेज तयार करून हा विजय संपादन केला आहे. विशेष म्हणजे या देशात घडणारे कुठलेही जातीपातीपंथाचे राजकारण न करता..

कॉंग्रेसला तर जनतेने केव्हाच गाडायचे निश्चित केले आहे. यासाठी कोणतीही जनचाचणी घ्यायची गरज नाही. ते गेल्यावर सत्तेवर आपलाच निर्विवादपणे नंबर असे जे भाजपाला वाटत होते त्या भ्रमाचा भोपळा या दिल्ली निवडणूकीत फुटला आहे. त्यामुळे ते देखील संतुलन गेल्यासारखे आपवर टिकास्त्र सोडत आहेत. आधी कॉंग्रेसवर भ्रष्टाचारी असण्याची टिका करत होते तर आता आप वर भ्रष्टाचारी नसण्याचे ढोंग करताहेत, यांना राज्यकारभार जमणार नाही, यांचा काही अजेंडा नाही वगैरे वगैरे टिका करताहेत.

त्यामुळे येत्या काळात या कॉंग्रेस आणि भाजपा या दोन्ही पक्षांच्या समर्थकांकडून आपवर बरेच वेडेवाकडे टिकास्स्त्र फेकण्यात येईल अशी शक्यता आहे. किंबहुना फेसबूक आणि आता वॉस्सअपवर फिरणारे तद्दन बालिश मेसेज वाचून याची कल्पना येऊ लागलीय. तरीही आम जनतेने या फसव्या टिकेला बळी न पडलेलेच योग्य !

कॉंग्रेसचा आपला पाठिंबा हे तर साधेसोपे राजकारण आहे.
कॉंग्रेसने उगाचच्या उगाच एक खडा मारला आहे, किंवा पत्ता फेकला आहे बोलणे योग्य.
विनाशर्त पाठींबा शब्द तर त्यांनी असा वापरला आहे जसे ते मेहेरबानी करत आहेत.
आता पाठिंबा देऊन नंतर मानगुटीवर बसायचे प्रकार ते करणारच करणार.

किंबहुना कॉंग्रेसचा पाठिंबा आपने स्विकारणे याचा अर्थ आपचा स्वताच्या मतदारांशी विश्वासघात झाला. कॉंग्रेसच सोडा, भाजपाचाही पाठिंबा घेताना किंवा त्यांना देताना आपला विचार करावा लागेल. कारण आपला मिळाळेली मते हि त्या एका वर्गाकडून आली आहेत ज्यांना कॉंग्रेस आणि भाजपा दोघेही नकोत. स्पष्टच भाषेत बोलायचे झाल्यास जी जनता या दोन्ही पक्षांना वैतागली आहे त्यांनी आपला मत दिले आहे. मग आप यापैकीच कोणाशी एकाशी युती कशी करू शकते. आपला पुन्हा पुढे कधी होणार्‍या निवडणूकीत मत मिळवणे कठीण जाईल असे केले तर.

तर... मग आता कॉंग्रेसच्या सपोर्टला थेट नाही बोलून पुन्हा निवडणूका घडवण्याचे पाप आपल्या माथ्यावर कसे घ्यायचे. कारण पुढे फेरनिवडणूका होताना हिच बोंब होणार की आपने हटवादीपणा दाखवून जनतेवर फेरनिवडणूका लादल्या. हे जनतेच्या मनावर असे बिंबवले जाईल की तिथे हा कोणीही विचार करणार नाही की ज्या जागी आज आप आहे तिथे भाजपासुद्दा तर आहे. ते का नाही कॉंग्रेसशी दिल्ली पुरते युती करून सरकार स्थापन करत. हि जबाबदारी आपचीच का? कारण कॉंग्रेस-भाजपा युती होणार नाही हे सोपे गणित आहे. आणि आपने कॉंग्रेसशी युती करणेही तितकेच घातक आहे हे सर्वसामान्यांना पटकन दिसणार नाही असले छुपे गणित आहे. असो, तर याला तोडगा म्हणून मग आपने उलटजवाबी अश्या काही अटी टाकल्या की जे एखादा प्रामाणिक पक्ष कबूल करेल पण कॉंग्रेससारखा भ्रष्टाचारी कदापि नाही. किंबहुना ते कबूल होणार नाहीत याची काळजी घेतच त्या अटी बनवल्या आहेत असे म्हटले तरी वावगे नाही. बघूया आता पुढे काय होते ते. हे जे काही घडतेय ते दिल्लीत घडतेय हे बाकी खूप छान होतेय.

अरे हो, आणि खरे तर हा कौतुकास्पद पायंडा पाडलाय आम आदमीने
या आधी सपोर्ट देणारे अटी ठेवायचे, आता सपोर्ट घेणारे अटी ठेवताहेत, किंबहुना हेच योग्य आहे सक्षम सरकार बनण्यासाठी.

वैयक्तिक मत/इच्छा - फेरनिवडणूका व्हाव्यात, आपला बहुमत मिळावे. कुठूनतरी बदलाला सुरुवात व्हावी, जी एखादी फ्रेश पार्टीच करू शकते.

<< खरे तर हा कौतुकास्पद पायंडा पाडलाय आम आदमीने>> मलाही असंच वाटतं. आपने दिलेली अतिरंजित आश्वासने पूर्ण करणे अशक्य आहे म्हणून आप सत्तेत यायला तयार नाही , अशीही जोरदार टीक होते आहे.[ कालच्या 'लोकसत्ते'तल्या 'आपले... मरण 'या लेखाचाही हाच मतितार्थ आहे ]. आपला मिळालेली मतं हीं त्या आश्वासनांमुळे आहेत कीं 'कुणीतरी राजकारणात प्रामाणिकपणा व पारदर्शकता रुजवू पाहात आहे; त्याला पाठींबा देणं आवश्यक आहे ' या भूंमिकेतून मिळालेली आहेत , याचाही विचार व्हावा.

ढ