मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by डॉ.विक्रांत प्र... on 7 December, 2013 - 11:24
माझी हि अक्षर | उधार बाजार |
रसिका स्वीकार | केली तुम्ही || १ ||
पुरविली हौस | लिहण्याचा सोस |
केलेले सायास | कामी आले ||२ ||
झाला कृपावंत | शाबासी दिलीत |
न्हालो कौतुकात | पुनःपुन्हा||३||
कधी आणियेला | तुम्हाला कंटाळा |
उगाच मांडला | पसारा हि ||४ ||
कधी सुख दु:ख | सांगून रडलो |
गळा मी पडलो | बळे कधी ||५||
कधी शब्दातून | कधी शब्दाविन |
गेला थोपटून | प्रेमभरे||६ ||
ऐसे सांभाळिले | मानून आपुले |
मैत्र हे जागले | हृदयात ||७||
आहे ऋणाईत | तुमचा अनंत |
नमितो विक्रांत | म्हणूनिया ||७||
विक्रांत प्रभाकर
http://kavitesathikavita.blogspot.in/
विषय:
Groups audience:
Group content visibility:
Public - accessible to all site users
शेअर करा
कधी शब्दातून | कधी शब्दाविन
कधी शब्दातून | कधी शब्दाविन |
गेला थोपटून | प्रेमभरे||६ ||......... क्या बात है - अगदी ये ह्रदयींचे ते ह्रदयी !!
उत्तम कविता
उत्तम कविता
उत्तम !!! साधंसंच असतं पण
उत्तम !!!
साधंसंच असतं पण तुम्ही लिहिता बाकी फार आतून !! फार फार आतून
मस्तच
खूप छान!
खूप छान!
धन्यवाद शशांक
धन्यवाद शशांक वैभव,अंजली,शिल्पा .पुन्हा उशीरा बद्दल क्षमस्व .
मनापासून मनापर्यंत पोहोचणारी
मनापासून मनापर्यंत पोहोचणारी ही कृतज्ञता फार आवडली.
धन्यवाद राजीव
धन्यवाद राजीव
सुरेख ..!!
सुरेख ..!!
धन्यवाद किरन
धन्यवाद किरन