दु:खा सवे बोलू कशाला

Submitted by मयुरेश साने on 5 October, 2013 - 07:26

दुखः मी तोलू कशाला
आसवे जोडू कशाला

भंगलेले मन बघाया
आरसे शोधू कशाला

मी तसा निर्दोष सुटतो
कायदे मोडू कशाला

उंबरे माझेच सारे
गाव मी सोडू कशाला

शब्द माझा शब्द आहे
नाव मी खोडू कशाला

तोच जर माझ्यात आहे
हात मी जोडू कशाला

....मयुरेश साने

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा