पसारे

Submitted by जयदीप. on 29 September, 2013 - 07:08

विझले कधीच वणवे, का भ्रम जळत आहे
तो कोळसा कधीचा, का आज सलत आहे

पाने जशी उलटती, सारी न वाचलेली
निर्दोष कालचा ही , दोषीच दिसत आहे

तोडून खास गेले ते घाव आठवांचे
तो मोडका जिव्हाळा,का आज कण्हत आहे

ते डावलून गेले, जे आपलेच होते
कोणी अनोळखी तो , का देव बनत आहे

बोलून ही न कळले, ते गूज मजमनीचे
का मौन हे पसारे भलतेच विणत आहे?

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा