Submitted by बेफ़िकीर on 13 September, 2013 - 10:11
कसेतरीच वाटते कधीकधी
उदास वेळ गाठुनी सरी नभात दाटती
ऋतू प्रतारणा करत नवीन चूल थाटती
उरात दु:ख घेत चोरटी सुखे पहाटती
कसेतरीच वाटते कधीकधी
कुणीतरी हवे असेल तर कुणी न भेटते
कुणी नको असेल तर हरेक अंग खेटते
मनी विरक्त भाव पण तरी शरीर पेटते
कसेतरीच वाटते कधीकधी
उन्हास श्रावणाकडून रोजगार पाहिजे
स्मितास आसवांकडून हातभार पाहिजे
उषा नवीन आणण्या निशा तयार पाहिजे
कसेतरीच वाटते कधीकधी
==============================
-'बेफिकीर'!
विषय:
शब्दखुणा:
Groups audience:
Group content visibility:
Public - accessible to all site users
शेअर करा
उन्हास श्रावणाकडून रोजगार
उन्हास श्रावणाकडून रोजगार पाहिजे
स्मितास आसवांकडून हातभार पाहिजे
वाह वा !
अगदी अगदी !
आवडलीच
कुणीतरी हवे असेल तर कुणी न
कुणीतरी हवे असेल तर कुणी न भेटते
कुणी नको असेल तर हरेक अंग खेटते
व्वा.
धन्यवाद सुप्रिया व समीर
धन्यवाद सुप्रिया व समीर
समीर, कृपया मायबोलीवर लिही.
समीर, कृपया मायबोलीवर लिही.
शब्द, लय, आकृतिबंध खूप
शब्द, लय, आकृतिबंध खूप भिडणारे. आवडली.
ऋतू प्रतारणा करत नवीन चूल
ऋतू प्रतारणा करत नवीन चूल थाटती
उरात दु:ख घेत चोरटी सुखे पहाटती..
खोल आतले ठसठसते कसेतरीच वाटणे बाहेर काढलेय कवितेतून.
सुन्दर कविता बेफ़िकीर. लय,
सुन्दर कविता बेफ़िकीर. लय, आशय आनि नेमकेपणा सगळं हवं तेवढं.
कविता आवडली, विशेषकरून पहिले
कविता आवडली, विशेषकरून पहिले दोन बंध 'कसेतरीच वाटते कधीकधी' हा भाव प्रचंड सामर्थ्याने व्यक्त करतात असे वाटले.
ऋतू प्रतारणा करत नवीन चूल थाटती>>> अप्रतिम!