मला तुझ्या घरातला तसू नको

Submitted by भाग्यश्री ७ on 8 September, 2013 - 13:05

अरे, असा कसातरी दिसू नको
हसायचे नसेल तर हसू नको

कळी कशी खुलून छान राहते
तसाच हास, रोज आकसू नको

निघेल मार्ग संकटांमधून या.....
मध्येच धीर सोडुनी बसू नको

कधीतरीच राग वाटतो बरा
घडोघडी उगाच खेकसू नको

तुझ्या मनावरी करेन राज्य मी...
मला तुझ्या घरातला तसू नको

भाग्यश्री कुलकर्णी

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

तुझ्या मनावरी करेन राज्य मी...
मला तुझ्या घरातला तसू नको

छान, खयालांतला प्रामाणिकपणा फार भावला.

Submitted by विजय दिनकर पाटील on 8 September, 2013 - 23:27

अरे, असा कसातरी दिसू नको
हसायचे नसेल तर हसू नको<<< खूप बोलका शेर

तुझ्या मनावरी करेन राज्य मी...
मला तुझ्या घरातला तसू नको<<< शेर आवडला.

धन्यवाद!

Submitted by बेफ़िकीर on 9 September, 2013 - 05:12