आठवणींची किनार आहे

Submitted by निशिकांत on 4 September, 2013 - 03:01

सुवर्णयुग जे निघून गेले परतणार का दुबार आहे?
बरे जाहले आयुष्याला आठवणींची किनार आहे

बघता बघता चढाव सरला पुढे जीवनी उतार आहे
वार्धक्याला नकारणे हा जुना मानवी विकार आहे

होकाराची जिथे अपेक्षा तिथेच मिळतो नकार आहे
सांग जीवना कसे जगावे? विचित्र सारा प्रकार आहे

वसूल करता नगदीमध्ये मते जनांची सतांधानो !
आश्वासनपूर्तीचे खाते अजून का मग उधार आहे?

खुनी चोरटे संसदेत का? न्यायपालिका विचारते पण,
"भुंकाभुंकी जरा करू या" विपक्षासवे करार आहे

उमेदवारी मुलांस अपुल्या राजकारणी देउन म्हणती
नवरक्ताला वाव द्यायचा रुजू लागला विचार आहे

कुठे लपावे आमजनांनी? जिवंत असता चोंच मारुनी
मास खावया वखवखलेले गिधाड करते शिकार आहे

दहशतवादी म्हणे जिहादी ! कान फुंकले शेजार्‍याने
स्वदेश वाटे नर्क तयांना, स्वर्ग दुबाई कतार आहे

आम आदमी तयार देवा ! लिलावात विकण्यास स्वतःला
पोट भराया दोन भाकरी, किती मागणी सुमार आहे

नकोस तू "निशिकांत" रंगवू स्वप्न गुलाबी भविष्यातले
मध्यमवर्गी जन्मलास तू, जगावयाचे टुकार आहे

निशिकांत देशपांडे. मो. क्र.९८९०७ ९९०२३
E Mail--- nishides1944@yahoo.com

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

सुवर्णयुग जे निघून गेले परतणार का दुबार आहे?
बरे जाहले आयुष्याला आठवणींची किनार आहे

बघता बघता चढाव सरला पुढे जीवनी उतार आहे
वार्धक्याला नकारणे हा जुना मानवी विकार आहे

होकाराची जिथे अपेक्षा तिथेच मिळतो नकार आहे
सांग जीवना कसे जगावे? विचित्र सारा प्रकार आहे

<<< अच्छा कहा है मियाँ!

मध्यमवर्गी जन्मलास तू, जगावयाचे टुकार आहे<<< ये भी ठीक है!

Submitted by बेफ़िकीर on 4 September, 2013 - 12:31