Submitted by निशिकांत on 1 July, 2013 - 02:15
आठवांचा माग मी काढीत गेलो
आसवांचे मी सडे टाकीत गेलो
कालच्या तंद्रीत आहे आज माझा
वर्तमानाला सदा हिणवीत गेलो
फाटक्या पदरी सखीच्या काय टाकू?
वंचनांची भीक मी वाढीत गेलो
ही मुकी श्रीमंत वस्ती सोडुनी मी
चार गप्पा मारण्या चाळीत गेलो
मी तुकोबाच्या कधी ज्ञानेश्वराच्या
पालखीसंगे सुखे वारीत गेलो
जीवनाचा चेहरा भेसूर इतका !
आरशाला नेहमी टाळीत गेलो
जे मिळाले, जीवनाचा साज होता
वेदना भाळावरी मढवीत गेलो
मित्र होते सर्व पण मज हे कळेना
मी कुणाच्या मारलो यारीत गेलो
प्राप्त "निशिकांता"स झाला अर्थ थोडा
जीवनाशी पैज मी लावीत गेलो
निशिकांत देशपांडे. मो. क्र. ९८९०७ ९९०२३
E Mail--- nishidesa944@yahoo.com
विषय:
Groups audience:
Group content visibility:
Public - accessible to all site users
शेअर करा
फाटक्या पदरी सखीच्या काय
फाटक्या पदरी सखीच्या काय टाकू?
वंचनांची भीक मी वाढीत गेलो
कालच्या तंद्रीत आहे आज माझा
वर्तमानाला सदा हिणवीत गेलो >>> हे दोन शेर सर्वात विशेष वाटले.
--------------------------------------------------------------------------------------------
"आसवांचे मी सडे टाकीत गेलो" >>> माझ्या अल्पमतीनुसार
'सडा घालणे', 'सडा शिंपणे' असे शब्दप्रयोग केले जातात.
ही मुकी श्रीमंत वस्ती सोडुनी
ही मुकी श्रीमंत वस्ती सोडुनी मी
चार गप्पा मारण्या चाळीत गेलो>>>
मस्त शेर, आवडला.
बरेच शेर आवडले मस्त गझल
बरेच शेर आवडले
मस्त गझल
ही मुकी श्रीमंत वस्ती सोडुनी
ही मुकी श्रीमंत वस्ती सोडुनी मी
चार गप्पा मारण्या चाळीत गेलो<<< वा वा
अख्खी गझलच आवड्ली प्रत्यक्ष
अख्खी गझलच आवड्ली प्रत्यक्ष भेटीतही वाचून दाखवलेलीत तेव्हाही आवडली होतीच
आवडली
आवडली