Submitted by मयुरेश साने on 1 June, 2013 - 12:46
कोणत्या बागेतुनी येशी सुवासा
टाकला कुठल्या फुलांनी हा उसासा
रान होते लाख चकव्यांचे तरीही
पाय वाटेचा मला होता दिलासा
दाटते ह्रदयात जे ते ओघळू दे
भार झाला हा अबोल्याने खुलासा
शेवटी हातात उरते एकटेपण
अठवांना पाहिजे तितके तपासा
साद असते ती मला तू घातलेली
दाद घेतो मैफली मधला तुझा सा
काय घडते सांगना ठरल्या प्रमाणे
हाय दैवाचा कसा उलटाच फासा
बरस तू किंवा कधी बरसू नको पण
भाकरीचा देत जा तुकडा जरासा
मी कसा आहे मला ठाऊक नाही
मी जसा आहे तसा दिसतो जरासा
***************** मयुरेश साने
विषय:
Groups audience:
Group content visibility:
Public - accessible to all site users
शेअर करा
भाकरीचा तुकडा, दिलासा, तपासा
भाकरीचा तुकडा, दिलासा, तपासा उत्तम !
सुंदर झाली आहे गझल, खुलासा
सुंदर झाली आहे गझल,
खुलासा आणि एकटेपण जास्त आवडले
सुंदर..
सुंदर..
सगळे शेर आवडले. गझलेची तबियत
सगळे शेर आवडले.
गझलेची तबियत सांभाळणारी गझल असे म्हणावेसे वाटते. काही किरकोळ सुटी मात्र खटकल्या, पण नेव्हर माईंड!
शुभेच्छा!
छान
छान
आवडली गझल खूप छान वाटते ही
आवडली गझल
खूप छान वाटते ही वाचल्यावर
पण मला सर्वाधिक "तुझा सा " आवडलाय ज्जाम म्हणजे ज्जामच आवडलाय राव
_____________________________________
अठवणींना<<< आठवांना असे करता येईल बहुधा
रान होते लाख चकव्यांचे जरी<<< २ मात्रा मलातरी कमी वाटल्या चुकत असल्यास क्षमस्व
मतला, दिलासा, तपासा, भाकरी
मतला, दिलासा, तपासा, भाकरी आणि जरासा हे शेर फार आवडले. सुंदर गझल. चकव्यांच्या ओळीत २ मात्रा कमी झाल्या आहेत.
गझल आवडली. धन्यवाद.
सगळ्यांचे आभार धन्यवाद
सगळ्यांचे आभार
धन्यवाद बेफिकीर .. सुधारणा केली आहे..
साद असते ती मला तू
साद असते ती मला तू घातलेली
दाद घेतो मैफली मधला तुझा सा
बरस तू किंवा कधी बरसू नको पण
भाकरीचा देत जा तुकडा जरासा
मी कसा आहे मला ठाऊक नाही
मी जसा आहे तसा दिसतो जरासा
>> खतरनाक आहेत तिन्ही !!
वैवकुने सुचवलेलंच सुचवणार होतो......
-------------------------------
बादवे, वेलकम बॅक !!
छानच!
छानच!
'खुलासा' आणि 'तुझा सा' >>> हे
'खुलासा' आणि 'तुझा सा' >>> हे अधिक प्रभावी वाटले.
त्यातही 'तुझा सा' हा मस्तच.
सुंदर गझल मयुरेश...
सुंदर गझल मयुरेश...
पायवाट आणि मक्ता
पायवाट आणि मक्ता खास!
जयन्ता५२