उठले होते वादळ आणि.....

Submitted by deepak_pawar on 10 May, 2013 - 08:18

उठले होते वादळ आणि
नको-नको त्या मनात शंका
कधी तुफानी लाटामधूनी
सावरेल का अपुली नौका.

आठवती मज पुन्हा-पुन्हा
तुझ्यासोबती फुलले क्षण
तू नसताना उरत नाही
तुझ्याविना माझे मी पण.

उगाच काही मनात येई
आणि छळती उदास गाणी
विसरून गेलो मी हसणे
भरून राहिले डोळा पाणी.

परी सरली रात काजळी
चहूकडे तेज पसरले
आनंदाची पहाट घेऊन
उमलून आली प्रीत फुले.

शब्दखुणा: 
Group content visibility: 
Public - accessible to all site users