सायकलविषयी सर्व काही....१

मस्त माहिती!

भरपूर सायकल चालवा, निरोगी रहा, पेट्रोल वाचवा आणि आनंदी रहा >>> आरोग्यदायी लेखा बद्द्ल धन्यवाद आशु १० वी ते १२ वी तीन वर्ष सायकल बरीच चालवली गोरेगावच्या आरे कॉलनीत सायकल चालवणे हा सुंदर अनुभव असायचा.
आता पुन्हा प्रयत्न करायला हरकत नाही.
पण सायकल चालविणार्‍या व्यक्तीचे वजन (८० ते ९० कि.) आणि उंची (५.९ ) असेल तर साधारण कोणती सायकल घ्यावी.

घरच्या घरी सर्विसिंग, मेंटेनन्सची माहीती आगामी भागात तपशीलवार देतो आहे

खुप गरज आहे

८५० किमी चार-पाच महिन्यात......

ग्रेट्ट्ट्ट्ट्ट...
वाचतोय.

आशू, छानच धागा काढलायस. बर्‍याच जणांना प्रेरणा मिळेल.

छान लेख.

पेट्रोल भरणे परवडेनासे झाल्यावर गेल्या दोन महिन्यापासून मी ऑफिसला सायकलने जातोयेतो. फक्त साडेतिन किमीवर् ऑफिस असल्याने शाळेत जायचो तेव्हाची आठवण होते. पण तब्येत टुणटुणीत रहात्ये.
सुरवातीला थोडा त्रास झाला कारण तब्बल एकवीस बावीस वर्षांनंतर सायकल चालविणार होतो.
वातामुळे पायात क्रॅम्प्स यायचे ते थाम्बलेत.
मध्यंतरी पुणे युनिव्हर्सिटी ते निगडी असे १८ किमी अंतर एका दमात ५५ मिनिटात कापले. तसेच आळंदी अलिकडे डुडुळगावलाही जाऊन आलो (जाऊनयेऊन ३१ किमि). हळू हळू सराव वाढवित नेणार म्हणजे मग पुढील वीस वर्षाकरता तब्येतीची बेगमी होईल.

मायबोलीवरील तुझ्या अन केदार व अन्य आदर्श समोर ठेवले आहेत. ते करतात/करु शकतात तर मी का करू नको ही इर्ष्याही मनात जागवतोय. अन हे आत्ताच याच वयात करणे आवश्यक आहे, तरच पुढील वीस वर्षे, महागड्या न परवडणार्‍या वैद्यकीय उपचाराशिवाय जगता येईल हे मनाला बजावतोय.

हा धागा का बन्द पडला?

माझ वजन ८८ किलो असुन उन्चि ५ फुट ८ इन्च आहे आणि बजेट ८०००. मला प्लिज सायकल सुचवा.
ओफिस ११ किमी दुर आहे (पुणेकरान्साठी सन्दर्भः फुरसुन्गी --> उन्ड्री --> पिसोळी --> कोन्ढवा = रा़ज्यमहामार्ग???)

खरेतर २ वर्शान्पुरविच घ्यायची होती...आता जमेल बहुतेक.

माझं ऑफिस ६.५ किमी आहे घरापासून, आणि तसाही माजिवड्यात शेयर सायकल चा स्टॅन्ड बनलाय आज ना उद्या तो चालू होईल, त्यामुळे बरेच लोक सायकल वापरतील, तर घरच्यांना पटवायला अवघड नाही होणार सायकल साठी. तुम्ही सांगितलंय कि महिलांच्या अडचणींच निराकरण करू शकत नाही, पण तरीही पंजाबी ड्रेस घालून सायकल चालवता येईल का? तशी मी १०वीत असताना शेवटची सायकल चालयवलीय पण ते खेळ म्हणून, आत्ता जर ऑफिस ला घेऊन यायची तर ते जमेल कि नाही हा पहिला मोठा प्रश्न आहे. स्कूटर ला आपण सिग्नल देऊ शकतो पण सायकल ला डावा-उजवा सिग्नल हातानेच देता का? असे खूप प्रश्न आहेत, सायकल घ्यायची हे पक्क केलाय पण आधी सगळी माहिती गोळा करतेय त्यात हा धागा म्हणजे खूप मदतगार झालाय.
इत्तर कोणी स्त्रिया सायकल वापरात असतील तर त्यांनी मदत करा.

ठाण्यात ऑफिसला ये जा करण्यासाठी सायकल वापरणार असाल तर माझा अनुभवाचा सल्ला.

आधी रस्ता नीट बघून घ्या. ऑफिसच्या वेळेलाच सर्वात जास्त वाहने रस्त्यावर असतात. खूप ट्रॅफिक नको कारण धूरामुळे घशात खवखवायला लागतं. धुर नाकातोंडात जाऊन घशात काळे डिपॉझिट्स तयार होतात. लेने के देने पडू नये. ठाण्यात असतांना माझ्यासोबत असं झालं, मी दोन महिने सायकल ऑफिसला नेली पण प्रदूषणामुळे हालत खराब झाली. त्यात मास्क वगैरे लावून सायकलींग करत ऑफिसला जाणे जरा टू मच होतं. माजिवाडा फ्लाय ओवर झाल्यापासून कशी परिस्थिती आहे ते माहित नाही. पण थोडं ट्रायल करुन बघा.

ट्रॅफिक नसलेल्या रस्त्यावरुन येता येत असेल तर उत्तम होईल. दुसरे असे की चढ उतार किती आहेत, दम लागेल का, जाता येता घाम फुटून अवस्था खराब होते की कसे ते बघा.

सगळ्यात महत्त्वाचे. गिअरवाली महागडी सायकल ऑफिसमध्ये तुमच्या डोळ्यासमोर सतत राहू शकत नसेल तर अजिबात त्या फंदात पडू नका. आपल्याकडे जिज्ञासू पब्लिक खिशाला चुना लावायला फार उत्सुक असते.

सायकल घ्यायची हे पक्क केलाय << कोणाची मिळत असेल तर लगेच चालवायला सुरुवात करा.
सायकल ला डावा-उजवा सिग्नल हातानेच देता का? << रस्त्यावरील रहदारी , गाड्यांचा वेग, आपला वेग या गोष्टी विचारात घेउन हाताने सिग्नल द्यावेत. आपल्या सुरक्षेसाठी तरी.
६.५ किमी असेल तर एकदम आरामात जाता येईल.

नानाकळा आणि ससा धन्स
मी सध्या दुचाकी वापरते आणि कोलशेत रोड ने आल्यामुळे तिथे ट्रॅफिक नसते अर्धा किमी फक्त जास्त वाहनं असतात त्यामुळे मला झेपलं तर नेऊ शकते सायकल आणि पार्किंग चा पण प्रश्न नाही. पण आधी ट्रायल घ्यावी लागेल.

बापरे ठाण्याला इतके भयाण ट्रॅफिक आहे...डेंजरस आहे

>> आशु, मी जिथे राहत होतो त्या वाघबीळ पासून माजिवाडा अंदाजे साडेचार किमी आहे. पण मेन हायवे आहे घोडबंदर रोड. त्यामुळे गुजरातवरुन येणारे-जाणारे मालवाहू ट्रक्स, रेतीबंदरवरुन येणारे ट्रक्स, बांधकाम धडाक्यात असल्याने त्यांचे ट्रक्स, असे ट्रक्सचे ट्रॅफिक खूप असे. मला साधारण पंधरा मिनिटे लागत पण ह्या पंधरा मिनिटाच्या प्रवासात दोन मोठे उतार चढाव असत. तिथे दमछाक होत असे. आणि तिथेच मग अधिक धूर आत जात असे, कारण ट्रक्स पण ती चढण चढायला जास्त जोर लावतात व धूर ओकतात. भयाण होतं राव ते. असो.

मी काही इतरांना नाउमेद करत नाहीये. ठाण्यात खूप लोक सायकल वापरुन ऑफिसात जातात, नथिंग बीग फस..... फक्त आपलं काळजी घेण्याचं सूचित केलं तेवढं.

आशुचॅम्प वाचते तो गटग वृत्तांत, आत्ता थोडं चालायला सुरुवात केली, पाय मोकळॆ करते मग कोणाची तरी सायकल बघून चालवेन जमतंय असं वाटलं तरी सायकल घेईनच. इथले सायकलिस्ट बघितले तरी १०० कि च्या राईड करणारे, मग मला एवढं तरी नक्की जमेल.

सायकल ला डावा-उजवा सिग्नल हातानेच देता का? >> ऑनलाईन दुकाने जसे ऍमेझॉन, फ्लिपकार्ट येथे थोडी शोधाशोध केली कि सायकलसाठी बॅटरी ऑपेराटेड इंडिकेटर मिळतील. काही इंडिकेटर सोबत फ्लॅश लाईट (टॉर्च) सुद्धा येते. हैद्राबाद येथील एका नवीन कंपनीने LED असलेला टी शर्ट बनविला आहे, मध्यंतरी त्याचा विडिओ व्हाट्सअँपला व्हायरल झाला होता.

सायकलिंग सुरू केले आहे. एका दिशेने पाच किमी च्या वर प्रगती होत नाही. मांडीत गोळे येतात. यासाठी काय करू ?
( हा प्रश्न विचारण्यासाठी भरपूर सर्च दिला. त्यानंतर या धाग्यावर विचारावा असे वाटले. तरी अस्थानी असेल तर कळवा. काढून टाकीन).

सवय लागे पर्यंत त्रास होईल नंतर पाय दुखणे बंद होईल.
शक्यतो कमी वेगाने सायकल चालवा.
तीव्र चढ असेल तर सायकल वरून खाली उतरा

गिअर सायकल असेल आणि तरी पण गोळे येत असतील तर रुट चेक करा. गुगल मॅप मध्ये त्या रुटवर चढ किती आहे ते समजते. हलका चढ जरी असला तरी पायात गोळे येतात.

गिअर सायकल असेल आणि तरी पण गोळे येत असतील तर रुट चेक करा. गुगल मॅप मध्ये त्या रुटवर चढ किती आहे ते समजते. हलका चढ जरी असला तरी पायात गोळे येतात. >> धन्यवाद. चढ आहे हे खरेय.

सीट ची उंची बरोबर आहे का बघा, कमी असेल तर ती वाढवून बघा, फरक जाणवेल >>> पाय टेकले नाहीत तर भिती वाटते सायकल चालवायची.

पुरेसा वोर्म अप पण आवश्यक आहे > ओके. धन्यवाद.