Submitted by कर्दनकाळ on 4 May, 2013 - 11:59
गझल
वृत्त: भामिनी
लगावली: गालगा/गालगा/गालगा/गा
ते करू देत माझी बुराई!
मी कशाला करू दांडगाई?
लोकहो! एवढा मी न भोळा.....
जाणतो मी बुराई भलाई!
केवढी खुमखुमी भांडणाची?
हा चढाई करे....तो लढाई!
हा नव्हे पिंड माझा खरोखर.....
मी कुणावर करावी चढाई!
कोणता लावला सांग झेंडा?
मारशी तू कशाची बढाई?
ते खुजे सर्व कंपूत होते!
पाहिली वांझ त्यांची धिटाई!!
दोन वेळेस ना अन्न कोणा!
अन् कुणी रोज खातो मिठाई!!
साधनेनेच मोठेपणा ये!
त्यास मोठेपणाचीच घाई!!
वासरे धीट झाली कशी ही?
काय झाले दयाळू कसाई?
हा असा बंगला बांधला मी....
ओतली जीवनाची कमाई!
का स्वत:ला शहाणा म्हणू मी?
माझियाहून पोरे सवाई!
काय शिरजोर नोकर म्हणावे!
खुद्द मालक बनावा शिपाई!!
ने मला तूच वेळेत मृत्यो!
या जिण्यानेच हा जीव जाई!!
**************कर्दनकाळ
विषय:
Groups audience:
Group content visibility:
Public - accessible to all site users
शेअर करा
भामिनी वृत्त---- वा !
भामिनी वृत्त---- वा !
धन्यवाद अरविंदराव
धन्यवाद अरविंदराव वृत्तगुणगानाबद्दल!
अरे बापरे! ही गझलही राहिली
अरे बापरे! ही गझलही राहिली वाटते वाचायची?
वृत्त छान! शेर?????
वृत्त छान! शेर?????
कोणता लावला सांग झेंडा? मारशी
कोणता लावला सांग झेंडा?
मारशी तू कशाची बढाई?
.
दोन वेळेस ना अन्न कोणा!
अन् कुणी रोज खातो मिठाई!!
.
ने मला तूच वेळेत मृत्यो!
या जिण्यानेच हा जीव जाई!!
आवडलेत.
धन्यवाद!
धन्यवाद!