पापणीस ओल नाही

आवडली ही कविता अनुराधाजी.

हे काव्य मी असे वाचले.

मतलबी दुनियेमधे या आसवांना मोल नाही
आपल्यासाठी कुणाच्या पापणीला ओल नाही

व्यर्थ आहे,अर्थ नात्यांचा, मना तू शोधतो का
जीव लावावा जरी हे वाटणे बघ फोल नाही

लावली आशा जिथे,तेथे निराशा भेटलेली
हे मना सांभाळ ऐसे की ढळावा तोल नाही

जे दिसे डोळ्यांस ते ते,डोह मायावीच सारे
पण उथळ ते सर्व काही,एक सुद्धा खोल नाही

चौकटीच्या जीवनी बंदिस्त जगणे आपले अन
ही धरा सुद्धा अताशा राहिलेली गोल नाही

मतलबी दुनियेमधे या आसवांना मोल नाही
आपल्यासाठी कुणाच्या पापणीला ओल नाही

काव-काव