पेट्रोल पंपावरील फसवा-फसवी

कॅम्प मधील , लाल देऊळ शेजारील पेट्रोल पंप वरील सर्व कर्मचारी ठार बहिरे आहे.

रु.१०० सांगितले कि रु .२० चे पेट्रोल भरतात.

अशा प्रकारची फसवणूक होऊ नये म्हणून HP ने AGS या payment company च्या संयुक्त विद्यमाने HP Fastlane ही सुविधा सुरु केली आहे. https://www.agsfastlane.com/ सध्या ही सुविधा मुंबई, नवी मुंबई आणि पुण्यात तसेच मुंबई-पुणे द्रुतगती मार्ग येथे उपलब्ध आहे. या सुविधेचा लाभ घेण्यासाठी आपल्याला HP Fastlane हे app Play Store वरून download करावे लागते. त्यात आपला मोबाईल क्र. व गाडी क्र., इंधनाचा प्रकार (पेट्रोल की डिझेल) आदी माहिती भरून नोंदणी करावी लागते व Fastlane ची सुविधा असलेल्या पंपावर जाऊन एक RFID sticker घ्यावा लागतो जो आपल्या गाडीच्या पुढील काचेवर आतून चिकटवला जातो (Fastag प्रमाणे).
त्यानंतर app मध्येच पैसे भरून (जेवढ्याच तेव्हढे पण भरू शकतो किंवा एकरकमी मोठी रक्कमसुद्धा भरू शकतो) आपल्याला किती रु. चे इंधन भरायचे आहे ते app मध्येच सेट करायचे (१००-२००-५००-१००० इ.) आणि पंपावर गेल्यावर तिथल्या अटेंडटला Fastlane आहे म्हणून सांगायचे. मग तो AGS कंपनीच्या card swipe मशीनने तो काचेवरील Fastlane चा RFID स्टीकर स्कॅन करतो, त्याला त्याच्या screenवर गाडीचा क्रमांक दिसतो तो तपासून त्यात नोझल नंबर सेट करतो. मग ते नोझल आपोआप ० ला सेट होते आणि मग तो गाडीत इंधन भरतो. आपण app मध्ये जितके सेट केलेले असते तितक्या रुपयांचे इंधन आपोआप भरले जाते. (म्हणजे ६०० सांगितले आणि त्याने ५०० सेट केले वर display खराब आहे म्हणून तसे दिसते आहे वगैरे म्हटले असे होऊ शकत नाही.) यदाकदाचित काही कारणाने app मध्ये सेट केलेल्या रकमेपेक्षा कमी इंधन भरले गेले म्हणजे app मध्ये १००० रुपये सेट केले पण आधीच टाकीत इंधन असल्याने ९३७ रुपयांचेच इंधन बसले तर तेव्हढेच म्हणजे ९३७ रुपयेच app मधून कट होतात.
या app मुळे अटेंडटकडून चुकीचे इंधन भरले जाण्याची शक्यता देखील शून्य होते (म्हणजे पेट्रोल गाडीत डिझेल किंवा vice versa) कारण आपण app मध्ये नोंदणी करतांना इंधन प्रकार पेट्रोल सेट केला असेल तर अटेंडटने चुकून डिझेलचे नोझल क्रमांक सेट करायचा प्रयत्न केला तर ते होत नाही. त्यामुळे हा धोकाही टळतो.
मात्र ही सुविधा सध्यातरी फक्त ४ चाकी वाहनांसाठीच आहे, दुचाकींसाठी नाही. त्याचप्रमाणे केवळ HP च्याच पंपावर उपलब्ध आहे, Indian Oil किंवा भारत पेट्रोलियमवर उपलब्ध नाही.
तसेच यासुविधेमुळे मीटर ० वर सेट न करणे, किंवा चुकीची रक्कम सेट करणे वगैरे प्रकारांना आळा बसत असला तरीही इब्लिस यांनी म्हटल्याप्रमाणे आपल्या गाडीतच पेट्रोल भरले जात आहे की दुसऱ्याच एखाद्या कॅॅनमध्ये भरले जात आहे हे मात्र आपल्यालाच तपासावे लागेल. (वास्तविक जेव्हा २-३ वर्षांपूर्वी ही योजना सुरु झाली तेव्हा सुरवातीला गाडीच्या काचेवर लावायच्या RFID sticker ऐवजी Fuel Cap जवळच एक RFID Tag लावायचे ठरले होते व पंपाच्या नोझलमध्येच त्याचा reader बसवणार होते. अंधेरी पश्चिम मधील जयप्रकाश मार्गावरील अपना बाजार शेजारच्या HP च्या पंपावर प्रायोगिक तत्वावर त्यांनी एका नोझलला असा reader लावला होता. त्यामुळे ते नोझल इतर नोझलपेक्षा वेगळे दिसायचे, त्यात LED lights blink होत असायचे. मात्र नंतर काही कारणाने त्यांनी विचार बदलून RFID tag near fuel cap & reader in fuel nozzle ही संकल्पना टाळून RFID sticker on windshield & swipe machine as reader असे सुरु केले. जर fuel cap जवळचा RFID tag हीच संकल्पना असती तर आपल्या गाडीच्या ऐवजी कॅॅनमध्ये पेट्रोल भरणे देखील शक्य झाले नसते कारण नोझल पूर्ण आत टाकल्याशिवाय reader tag पर्यंत पोहोचणारच नाही आणि मध्येच नोझल बाहेर काढले तरी reader आणि tag एकमेकांपासून दूर जातील व fuelling थांबू शकेल. पण हा tag न आणता त्यांनी sticker का आणले ते माहीत नाही.)

वि. सु. - हा प्रतिसाद निव्वळ माहिती देण्याच्या उद्देशाने आहे, ही काही जाहिरात नाही. नाहीतर मी काही रुपयांचे इंधन मोफत मिळविण्यासाठी माझा refferal code दिला असता!!!

उपयुक्त माहिती विक्षिप्त_मुलगा.