हा दोष ना कुणाचा

Submitted by सांजसंध्या on 13 March, 2013 - 08:40

गर्वास झोडपावे, हा दोष ना कुणाचा
प्रशंसुनी स्वत:ला, घ्या रोष का कुणाचा

जे काम ज्यास येते, त्यानेच ते करावे
स्नायू फुगून मेले, हा जोश का कुणाचा

माझ्याच उल्लेखाने, भरल्यात या कविता
दिसते छबी स्वत:ची , आक्रोश हा कुणाचा

सांगून ना कळाले, शब्दांतले इशारे
नादान पोर आहे, बेहोश हा कुणाचा

शब्दांत शांत माझ्या, काव्यात ली झळाळी
सहजी उठून आली, हा दोष का कुणाचा

तरवार धार ज्यांची, स्नेह्यांसही दिसावी
घायाळ तेच व्हावे, हा दोष का कुणाचा

- संध्या

( एका ठिकाणी कवीता असा शब्द घ्यावा लागत होता. त्याऐवजी वृत्तभंगाचा दोष पत्करलेला आहे. )

विषय:

काव्यलेखन

शब्दखुणा:

हा दोष ना कुणाचा संध्या सांजसंध्या मराठी कविता मायबोली

Groups audience:

गुलमोहर - कविता

Group content visibility:

Public - accessible to all site users

शेअर करा

(No subject)

Submitted by सांजसंध्या on 13 March, 2013 - 11:04

छान!

Submitted by उमेश कोठीकर on 13 March, 2013 - 11:44

जे काम ज्यास येते, त्यानेच ते

जे काम ज्यास येते, त्यानेच ते करावे >>>>

मीटर सांभाळून लिहीलेली गद्य ओळ वाटतेय. कसलीच नजाकत नाही, कसलंही काव्य नाही, कलाकुसर नाही. शांत रसासाठी हे आवश्यक असलं तरी इथे शांत रस दिसत नाही. ज्याला जमतं त्याने नक्कीच द्विपदी खुलवली पाहीजे हे वै.मत. (तुझ्याकडून अशा प्रकारची ही पहिली आणि शेवटची कविता असावी).

Submitted by विस्मया on 13 March, 2013 - 14:15