मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by अनिल आठलेकर on 13 March, 2013 - 04:33
मी पेटणार आहे
पण बोलणार नाही
मरणा तुझ्या भयाने
किंचाळणार नाही...
स्वप्ने जरी सुखाची
नशिबी कधी न आली
थोट्या पराभवाने
मी संपणार नाही...
काटेच पाहिले मी
वाटेवरी फुलांच्या
पण वाट ती तरीही
मी टाळणार नाही...
फासे कधीच नव्हते
वशही मला तरीही
आशेवरी उद्याच्या
मी थांबणार नाही...
माझ्याच माणसांनी
केले मला विचारी
जाणूनही कुणाला
मी सांगणार नाही...
भेटेनही पुन्हा मी
पण बोलणार नाही
हा गाव वेदनांचा
मी सोडणार नाही...
__अनिल आठलेकर.. पुणे
१० मार्च २०१३, १.४२ AM
विषय:
Groups audience:
Group content visibility:
Public - accessible to all site users
शेअर करा
छान.
छान.
काटेच पाहिले मी वाटेवरी
काटेच पाहिले मी
वाटेवरी फुलांच्या
पण वाट ती तरीही
मी टाळणार नाही...
वाह !
आवडली कविता.
धन्यवाद .....
धन्यवाद .....
छान काटेच पाहिले मी वाटेवरी
छान
काटेच पाहिले मी
वाटेवरी फुलांच्या
पण वाट ती तरीही
मी टाळणार नाही...
ऐवजी
फुलांच्या वाटेवरी ..आले असते तर ई ची लय साधते असे वाटते.असो .ले.शु.