मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by राजीव मासरूळकर on 31 January, 2013 - 12:14
*निघालीस सखे कुठे ?*
निघालीस सखे कुठे विचारीत गाव ?
तुझ्या गालावर माझ्या ओठातले भाव !
पोटऱ्यांत आली बघ शेतातली पिके
सांग बरे , मातीही का साहते हे घाव ?
पंख झडलेल्या जरा मयुरांना सांग
सुर्याआड झोपलेल्या जलदांचा ठाव !
संध्याकाळ होत आली भोवताली सखे
चराचरी करीताहे प्रीत शिरकाव !
खराखुरा अंधःकार भिववितो गडे
खोट्या प्रकाशाचा आता तरी दिवा लाव !
- राजीव मासरूळकर
विषय:
Groups audience:
Group content visibility:
Public - accessible to all site users
शेअर करा
