लाख दुःखे मी उशाशी ठेवतो

Submitted by राजीव मासरूळकर on 28 January, 2013 - 07:56

=@गझल@=

लाख दुःखे मी उशाशी ठेवतो
आठवांना तव , उराशी ठेवतो

ठोकतो मी खूप गप्पा वैभवी
माय-बापाला उपाशी ठेवतो

शासनानूदान लाल्याचे मिळो
जाळतो ज्वारी, कपाशी ठेवतो

भरकटू देतो मनाला स्वैर मी
कैक हाताशी खलाशी ठेवतो

कोरडे जाती जरी सारे ऋतू
साथ केवळ पावसाशी ठेवतो

काम सोपे फार पैसा लाटणे
लाज बाजारी जराशी ठेवतो !

- राजीव मासरूळकर
मासरूळ , बुलडाणा

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

aprateem zaalee aahe
khoop khoop aavadalee
abhinandan aani dhans

teet laavun thevaa hilaa
najar nako laagaayala
Happy

Submitted by वैवकु on 28 January, 2013 - 08:58