मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
अनेक दिवसांनंतर परवा ऑनलाईन येऊ शकलो. माबोवर फेरफटका मारला.
अचानक काहीतरी स्फुरलं, लिहिलं; पण कुठल्या विभागात प्रकाशित करावं या संभ्रमात पडलो.
कारण जे काही(तरीच) लिहिलंय त्याला
कविता म्हणावं की न-कविता की न-गझल ??
’काकाक’ विभाग नसल्यामुळे अखेरीस कविता विभागात पोस्ट करतोय.
(या विभागात काहीही पोस्ट केलेलं चालतं ..... 
..... क्षमस्व.)
-------------------------------------------------------------------------------------------------
मागतो ते दान आताशा पडाया लागले
वाटते हे भाग्य आता फळफळाया लागले
लागले मिसरे सुचाया काफिया मिळताक्षणी
आणि वेगे गझल-जाते घरघराया लागले
बहर ये जमिनीस या, मी बीज अस्सल पेरता
जीर्ण, वठले वृक्ष सारे उन्मळाया लागले
दाटला अंधार होता, या नभाच्या अंगणी
कोंबडा दे बांग माझा, फटफटाया लागले
साठ होता बुद्धि नाठी, अनुभवाने जाणले
मन्मनी तारुण्य आता मुसमुसाया लागले
कोण हा उल्हास ? याला भीड, मुर्वत ना जरा
कोण कुठले लोक येथे कडमडाया लागले
.... उल्हास भिडे (२३-१-२०१३)
लागले मिसरे सुचाया काफिया
लागले मिसरे सुचाया काफिया मिळताक्षणी
आणि वेगे गझल-जाते घरघराया लागले<<<
कोण हा उल्हास ? याला भीड, मुर्वत ना जरा
कोण कुठले लोक येथे कडमडाया लागले<<<
भीड ना मुर्वत जरा - असेही एक सुचले आपले. कृ गै न
मक्ता फारच तिखट!
धन्यवाद बेफीजी. भीड ना मुर्वत
धन्यवाद बेफीजी.
भीड ना मुर्वत जरा >>> प्रथम असंच सुचलं होतं.
परंतु, भीड, मुर्वत हे शब्द मराठीत एकत्र उच्चारले जात असल्याने
"भीड, मुर्वत ना जरा" असे लिहिले.
मक्ता फारच तिखट! >>> वाचकाच्या मनात येऊ शकणारे माझ्याबद्दलचे विचार व्यक्त केलेत.
मलाच उद्देशून असल्याने तिखट इ. चा फारसा विचार केला नाही.....
मी पहिल्या ओळीतच माती
मी पहिल्या ओळीतच माती खाल्ली
मागतो ते दान आताशा पडाया लागले >> हे मी मागतो ते "दात" आताशा पडाया लागले... असं वाचलं. त्यामुळे
जरा सावरले की संपूर्ण वाचून मग मतप्रदर्शन करीन.
बहर ये जमिनीस या, मी बीज
बहर ये जमिनीस या, मी बीज अस्सल पेरता
जीर्ण, वठले वृक्ष सारे उन्मळाया लागले........ मनापासून आवडली ही द्विपदी
बाकिची नझल, नविता किंवा नाकाक ब्येष्टच !
काका, सुंदर आहेत काही द्विपदी
काका,
सुंदर आहेत काही द्विपदी एकदम
पण कवितेस शिर्षक का नाही? ते तर द्या!!
बहर ये जमिनीस या, मी बीज अस्सल पेरता
जीर्ण, वठले वृक्ष सारे उन्मळाया लागले>> वा, वा!
जाते
आवडले
आवडले
क्लासिक विडंबन उकाका(प्रा.
क्लासिक विडंबन उकाका(प्रा. साहेबांच्या मूळ रचनेपेक्षा खूप कसदार शायरी आहे यात)
जियो !!!
लै भारी
हे गझल विभागात हलवून सार्वजनिक केले तरी चालेल सर्वाना दिसेल
विडंबन्?:आओ: क्शाचं? बाकी
विडंबन्?:आओ:
क्शाचं?
बाकी काका
भारी आहे हे
रियुडे हे वाच
रियुडे हे वाच ...........
http://www.maayboli.com/node/40424
काळजाचे पान कुठले फडफडाया लागले ..........माननीय प्रा.स.दे.(उर्फ "माबोला त्रा -स-दे" )यांची रचना
( टायपोला पण सोडत नाहीत हे
( टायपोला पण सोडत नाहीत हे गझलकार )वैवकु (बास का?
) 
माझ्याबद्दल राग आहे का काही मनात?
का असा सूड उगवताय?
का मला त्यांच्या गझला वाचायला लावताय?
का मला त्यांच्या गझला वाचायला
का मला त्यांच्या गझला वाचायला लावताय?>>>
_________________________________
नाही गं ...तुझ्यावर कसला राग !! मी तर तुला लाडाने रियुडे म्हणालो
उप्स हे ईडंबन होते? मी
उप्स
हे ईडंबन होते?
मी स्माईलींच्या भीतीपोटी त्यांच्या गज़ला वाचतच नाही आता
पुरे आता अवांतर... कविते
पुरे आता अवांतर... कविते बद्दल बोला
असो ; बाकी रिया तुझ्या
असो ;
बाकी रिया तुझ्या प्रत्रिसादात एक हायकू दिसतो आहे मला ..........ज्यास चुकून वैवकू असे नाव तू दिलेस
____________________
वैवकू :
माझ्याबद्दल राग आहे का काही मनात?
का असा सूड उगवताय?
....का मला त्यांच्या गझला वाचायला लावताय?
_____________________
तुझ्या परतिभाशक्तीला सल्ल्लाम रियुडी !!!
कवितेबद्दल बोला म्हणालीस ते याच साठी ना.. ...लब्बाड!!
वाह्,उकाका.... फारच
वाह्,उकाका.... फारच छान.
दक्षिणा
खूप दिवसानी, खूप छान.
खूप दिवसानी, खूप छान.
गझलेत टाकायची होती की. छानच.
गझलेत टाकायची होती की.
छानच.
कोण हा उल्हास ? याला भीड,
कोण हा उल्हास ? याला भीड, मुर्वत ना जरा
कोण कुठले लोक येथे कडमडाया लागले
उकाका मस्तंच दक्षे
उकाका मस्तंच
दक्षे
खूपच छान..थोडे गंभीर,थोडे
खूपच छान..थोडे गंभीर,थोडे मिस्किल..
पु.ले.शु.
सर्वांना धन्यवाद.
सर्वांना धन्यवाद.
वैवकु.
विडंबन म्हणून हे लिहिलं नाही.
प्रस्तावनेत म्हटलंय त्याप्रमाणे सहज काहीतरी स्फुरलं .... लिहिलं.
असो.....
मी नेहमी म्हणत आलोय तेच परत एकदा :
लिखाण प्रकाशित केल्यावर त्यावर लेखकाचा प्रताधिकार असू शकतो;
पण मताधिकार केवळ वाचकांचा, रसिकांचा.
पुन्हा एकदा सर्वांना धन्यवाद.
वैवकु. विडंबन म्हणून हे
वैवकु.
विडंबन म्हणून हे लिहिलं नाही>>>
ओके काका म्हणत आहात ते मान्य करतो ........
धनयवाद
वैवकु. विडंबन म्हणून हे
वैवकु.
विडंबन म्हणून हे लिहिलं नाही>>>
ओके काका म्हणत आहात ते मान्य करतो ........
धन्यवाद