तू अशा वेळी अशी, उजळू नको!

धन्यवाद आनंदयात्री!
अशी उसळू नको हवंय का?<<<<
चालू शकेल! पण मग फक्त स्त्रीलिंगी अर्थ होतो व शेर मर्यादीत होतो असे वाटते! कदाचित आपण मतल्याशी सांगड घालत असावा या शेराची!
तरीही जर ही गझल गायची असेल तर निवडक शेरच घेवून आपण म्हणता तो बदल सुरेख दिसेल!
>> मोकळा पेक्षा अधिक टोचणारा शब्द हवा होता असं वाटलं.<<<<
या शेरात लिहिताना उपहास गर्भित नव्हता म्हणून आपण म्हणता तसा दुसरा शब्द योजण्याचा विचार मनात आला नाही!

भावना मनात अशी होती की..... आम्ही शायरीने तुडुंब आहोत. आम्ही आमच्या शायरीत इतके बुडून गेलो आहोत की, आमच्या ओठांवर सदैव शायरीच येत असते. कुणाला तरी नवे लिहिलेले ऐकवावेसे वाटते. पण कुणाला? किती लोकांना शायरीत गोडी असेल?
शिवाय गोडी जरी असली तरी प्रत्येकास त्याचे त्याचे इतके व्याप असतात की, शायरी ऐकायलाही त्यांच्याकडे उसंत असेलच असे नाही. इथे आम्हाला कुणाचीही तक्रार करायची नाही.
आमची शायरी म्हणणे कुणाकुणाला त्यामुळेच बरळणे वाटण्याचा संभव असू शकतो. विशेषत: दोन लोकांना ते आवडत असेल पण त्यांच्याबरोबरच्या चार लोकांना शायरीत रस नसल्याने उगाचच अडकून पडल्यासारखे वाटू शकते. म्हणून आम्ही आमच्या शायरीला बरळणे व कुणाला उसंत/वेळ असेल या अर्थी कोण एवढा मोकळा असेल इथे असे आम्ही म्हटले!
अवांतर..... एका शेरात एक आमचा मिसरा होता, बराचसा अशा अर्थाचा........

का म्हणू थांबेल कोणी? लोकही व्यापात होते!..............असे आहे सगळे! असो.
पण आम्हास आपण सुचवलेल्या बदलांचा आदर आहे.

तरीही आपण सुचवल्याप्रमाणे जर दुसरा शब्द वापरायचा असेल तर हा शेर असा लिहिला असता आम्ही....

एवढा नाही निरुद्योगी कुणी.....
शायरी सगळ्यांपुढे बरळू नको!

>> बोलू आणि बरळू ची आलटापालट हवी(च) होती. (काफिया चा प्रॉब्लेम होणार हे खरं आहे.)<<<<<<
आपण म्हणता ते पटते आहे.....काफियाचे बंधन आहेच! पण आपण जर ही दुसरी ओळ पुन्हा पुन्हा गुणगुणलात तर असे लक्षात येईल की, लोक बोलू देत, तू बरळू नको.....म्हणजे लोक काहीही(इथे हा शब्द अव्यक्त आहे) बोलू देत म्हणजेच बरळू देत असेच सूचीत होते असे वाटते!
शेरांची संख्या लईच जास्त झाली आहे.<<<<<कबूल!
पण लईच मूड लागला की आमची लेखणी पाघळते अशी कधी कधी!
पण गझल मैफिलीत सादर करताना मात्र आम्ही फारच चूजी असतो व अनेक शेरांना सरळ फाटा देतो!
पुनश्च प्रांजळ प्रतिसादाबद्दल धन्यवाद!
असाच लोभ असू द्या!

टीप: ही गझल आमच्या रानफुले गझलसंग्रहातील आहे, मूळ गझलेत फक्त ६शेर होते! पण पुन्हा ही गझल जेव्हा २०वर्षांनी वाचू लागलो तेव्हा १० शेर आज सकाळी स्फुरले , ते लिहून काढले व ही सुधारीत १६शेरांची गझल आता इथे पोस्ट केली!

............प्रा.सतीश देवपूरकर
कृपया आपली मते कळवावीत, वाचायला आवडेल!

धन्यवाद विजयराव!

?????????!
ढवळू नको ... खवळू नको.... चिघळू नको ... चघळू नको ...वगळू नको.....अवळू नको .....निवळू नको .....

असेही आणखी शेर होवू शकले असते !!!<<<<<<

हे पुण्याईचे काम आपल्यावर सोडतो!

प्रसादपंत!
आपण पाजळता आहात नसलेली मती ती काय थोडी आहे काय?

धन्यवाद प्रसादपंत!