छोटय़ा गोष्टींची आठवण.........................

खडू आणि ती मण्यांची पाटी
अ आ इ गिरवून झिजलेली

नविन दोन चाकी सायकल
गुडघे फुटे तोवर चालवलेली

छोटासा आरसा खिशात ठेवून
सुर्याची तिरीप डोळ्यांवर मारलेली

गल्ली मध्ये क्रिकेट खेळताना
पहिली ऊंच सिक्स मारलेली

डब्यातले लाडू,वडी, बिस्कीट
आईच्या नकळ्त लंपास केलेली

निळ्या रंगाची जुनी जिन्स
अगदी विटे तोवर वापरलेली

दिवाळीमध्ये छोटा फटाका लावून
जिवाच्या आकांताने धूम ठोकलेली

मजा येते अधुन मधुन
छोट्या गोष्टींची आठवण आलेली

."©मंदार खरे