''काय झाले''

Submitted by डॉ.कैलास गायकवाड on 25 December, 2012 - 09:05

ना कधी वादात थोडा,काय झाले ?
वागलो वाह्यात थोडा, काय झाले?

ऐकल्या जेव्हा शिव्या अवघ्या युगाच्या,
बोललो रागात थोडा,काय झाले?

आसवांनी नाहलेली जिंदगानी
हासलो गालात थोडा, काय झाले?

बस्स झाली नागरीकरणे मनांची
राहिलो गावात थोडा, काय झाले?

जीवनाचा सूर तर 'भे'सूर आहे
नाचलो तालात थोडा,काय झाले?

हो,तसा ''कैलास'' तर नास्तीक आहे
दंगला गझलांत थोडा काय झाले?

-- डॉ.कैलास गायकवाड

टीप : मक्त्यात अलामतीची सूट घेतली आहे.

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

आवडली
बोललो रागात... हा शेर जास्त आवडला

हासलो गालात ....वरून माझा एक शेर आठवला

हासण्याचा मोह झालेली
आसवांची बाग होती ती

Submitted by वैवकु on 25 December, 2012 - 11:42

आसवांनी नाहलेली जिंदगानी
हासलो गालात थोडा, काय झाले?

बस्स झाली नागरीकरणे मनांची
राहिलो गावात थोडा, काय झाले?
शेर आवडले!

Submitted by सतीश देवपूरकर on 25 December, 2012 - 11:47

ऐकल्या जेव्हा शिव्या अवघ्या युगाच्या,
बोललो रागात थोडा,काय झाले?

आसवांनी नाहलेली जिंदगानी
हासलो गालात थोडा, काय झाले?<<<

छान

Submitted by बेफ़िकीर on 25 December, 2012 - 23:04

छान...

Submitted by अरविंद चौधरी on 26 December, 2012 - 00:11

वाह

Submitted by शायर पैलवान on 26 December, 2012 - 01:23