मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
आजकाल जॉगिंगच्या अड्ड्यावर
योगिच योगी दिसतात
मोठमोठे आवाज काढून
ते प्राणायाम करतात..........................धृ.
काही तर पोट हालवून
"अह्म ब्रह्म" म्हणतात
ओमकाराच्या नावाने ते
मुल्लासारखी बांग देतात
काही डोळे मिटून
ध्यान करीत बसतात
आकाशाला गवसणी घालण्याचा
प्रयत्न ते करतात
काही 'सुकट' म्हातारे
हाफ चड्ड्या घालतात
शीर्षासनात हळूच ते
कपल कडे बघतात
कधी एखाद जमाव येतो
राक्षसासारखा हासतो
हसणारे ते सारे शहाणे
आत मात्र रडत असतात
काही असेच शिष्ट येतात
कपल जवळ थांबतात
समाजस्वास्थ्य बिघडू नये
म्हणून पोलिसांना बोलावतात
पोलिस येईपर्यंत ते
जिभल्या चाटित पाहतात
पोलिस आल्यावर मात्र
ते काढता पाय घेतात
व्यायाम करणारे तर
कहरच करतात
चक्राकार फिरून ते
वाकडे वाकडे होतात
माझ्या मनात विचार येतो
हे असेच अडकले तर ?
पोरं बाळं दात काढतील
बायका त्यांना बाहेर काढतील
कधी कधी धमाल येते
रामायणाचा पाठ चालतो
प्रवचन करणारा भय्या
अध्यात्माच्या गोष्टी करतो
घरी गेल्यावर सुनेला छळतो
शिस्तीचे धडे देतो
राज्यावर बसल्यासारखा
घरात तो बसून राहतो
असे एक स्वीमर आजोबा
जंपिंग बोर्डावर बसले
योगासने करतानाच ते
तलावात पडले
अचानक पडल्याने
तिथेच प्राण गेला
म्युन्सिपालिटीने मग
गळ लावून काढले
अड्डा गढूळ झाला
शोकसभा झाली
सारे "शिष्ट" जमले
अन गळा काढून रडले
(पूर्व प्रकाशनः मीम्/नोड/५५६०)
