मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by सतीश देवपूरकर on 13 November, 2012 - 00:43
गझल
आता खरी कळाली गोडी मला फळांची!
आयुष्य आज वाटे परडी जणू फुलांची!!
येते झुळूक जेव्हा जेव्हा तुझ्या स्मृतींची;
माझ्या उरात होते बरसात चांदण्यांची!
आलेख जिंदगीचा माझ्या कसा चितारू?
माझ्या समोर आहे यादी जणू चुकांची!
सुखही दिपून गेले, पाहून दु:ख त्यांचे....
इतकी झकास होती आरास आसवांची!
तू भीडभाड आता ठेवू नकोस माझी;
आली मला शिसारी माझ्याच कौतुकांची!
करशील तूच तुजला घायाळ बोलण्याने....
काढू नकोस खपली इतक्यात वेदनांची!
कल्लोळ शांततेचा घुमतो दहा दिशांना!
शहरात माणसांच्या गर्दी कलेवरांची!!
-------प्रा.सतीश देवपूरकर
भूशास्त्र व खानिज तेल तंत्रद्न्यान विभाग,
नौरोसजी वाडिया महाविद्यालय, पुणे.
फोन नंबर: ९८२२७८४९६१
विषय:
Groups audience:
Group content visibility:
Public - accessible to all site users
शेअर करा
येते झुळूक जेव्हा जेव्हा
येते झुळूक जेव्हा जेव्हा तुझ्या स्मृतींची;
आली मला शिसारी माझ्याच कौतुकांची!
कल्लोळ शांततेचा घुमतो दहा दिशांना!....हे मिसरे खूप आवडले..
सुखही दिपून गेले, पाहून दु:ख त्यांचे....
इतकी झकास होती आरास आसवांची! <<<< व्वा ! >>>>
धन्यवाद अरविंदराव!
धन्यवाद अरविंदराव!
कल्लोळ शांततेचा घुमतो दहा
कल्लोळ शांततेचा घुमतो दहा दिशांना!...हा एकमेव मिसरा खूप खूप आवडला
धन्यवाद, वैभवा, एकमेव मिसरा
धन्यवाद, वैभवा, एकमेव मिसरा आवडल्याबद्द्ल!
सर्व प्रतिसादकांचे आभार!
सर्व प्रतिसादकांचे आभार!