दाटते आहे निराशा फार हल्ली....(हजल-तरही) :-)

Submitted by सुप्रिया जाधव. on 7 November, 2012 - 11:11

बंद केले मी मुखाचे द्वार हल्ली
दाटते आहे निराशा फार हल्ली

चापते अन लोळते वाटेल तेव्हा
विसरते मी दिवस-महिने-वार हल्ली !

लोळण्याची पैज होते भटकण्याशी
द्वाड झाले सांगण्याच्या पार हल्ली

खर्चली मी तू दिलेली कॅश सगळी
पर्स माझी भरजरी-जरतार हल्ली

सदगुणांचे मोल कवडीमोल झाले
शोधती नवराच तालेवार हल्ली

जीवना रे राख थोडी बूज माझी
बघ टिकेचा चालला भडिमार हल्ली

रंग-रुपाला वयाची चाड नाही
शुभ्र कवळी, केस काळेशार हल्ली

-सुप्रिया.

विषय:

काव्यलेखन

Groups audience:

गुलमोहर - गझल

Group content visibility:

Public - accessible to all site users

शेअर करा

द्वाड झाले सांगण्याच्या पार

द्वाड झाले सांगण्याच्या पार हल्ली

खर्चली मी तू दिलेली कॅश सगळी
पर्स माझी भरजरी-जरतार हल्ली

....

Submitted by अ. अ. जोशी on 7 November, 2012 - 11:38

रचना हझल म्हणून ठीकठाक आहे
मीही असा प्रयत्न केला होता एकदा पण शायराला स्वतःच्या गझलेचेच असे विडम्बन का करावे वाटते हे आजही मला आजही समजलेले नाही
http://www.maayboli.com/node/36421
http://www.maayboli.com/node/36419