कधी कधी

Submitted by विश्वजीत दीपक गुडधे on 30 September, 2012 - 07:23

(गझल)
कधी कधी

वाटे मनास तैसे करतो कधी कधी
नेईल वाट तिकडे वळतो कधी कधी

वर्षाव हा सुखांचा ना भावतो मला
दुःखांतही अता मी रमतो कधी कधी

इतरांचं दुःख देई पीडा मला बहुत
मी हास्य दुःखितांचे बनतो कधी कधी

कामास ना मिळे येथे दाम नेहमी
श्रमिकच इथे उपाशी मरतो कधी कधी

विश्वात या हरेकाची वेगळी तऱ्हा
हा खेळ बाहुल्यांचा बघतो कधी कधी

• विश्वजीत दीपक गुडधे,
अमरावती.
==================================

Group content visibility: 
Public - accessible to all site users