देऊ नकोस काहीही...पण घेवून तर जा !

Submitted by सुप्रिया जाधव. on 25 September, 2012 - 01:43

फक्त एकदाच येऊन जा...
देऊ नकोस काहीही...पण घेवून तर जा !

माळलेली शब्दफुले..
अर्थांचे गोड झुले
स्पर्शाचा पारिजात
तुझ्या हातातला माझा हात...

फक्त एकदाच येऊन जा...
देऊ नकोस काहीही...पण घेवून तर जा !

तुझी अबोलीची रात्र
माझं मनवण्याच सत्र
त्या नकारातला होकार
अन एकरुपतेतला साक्षात्कार !

फक्त एकदाच येऊन जा...
देऊ नकोस काहीही... पण घेवून तर जा !

आठवणींची फुलपाखरं
सहवासातल सुख सारं
अमर झालेले काही क्षण
या जन्मीच अधुरं ॠण !

फक्त एकदाच येऊन जा...
देऊ नकोस काहीही...पण घेवून तर जा !

-सुप्रिया.

विषय: 
काव्यलेखन
Groups audience: 
गुलमोहर - कविता
Group content visibility: 
Public - accessible to all site users
शेअर करा

फारच भावस्पर्शी आहे ही !!

तुझी अबोलीची रात्र माझं मनवण्याच सत्र>>>>>>>>>>

'अबोली' मुळे अबोलीच्या फुलाचा सन्दर्भ लागतोय मग पुढची ओळ तितकी एकरूप वाटत नाहीये

तुझ्या अबोल्याची रात्र ..माझं मनवण्याचं सत्र !!>>>> असे केल्यास कसे होईल??

कळावे
आपला नम्र
वैवकु

(अरेच्या टायपो तर नाहीये ना ? नै तर मी उगाच फुकटचा सल्ला दिल्यासारखे होईल !! ;))

Submitted by वैवकु on 25 September, 2012 - 04:45

टायपो नाहिय....:-)

सल्लाही योग्य आहे पण मला अबोल्याने फुललेली अस म्हणायचय...

पहिली ओळ अन दुसरी ओळ असा संदर्भ अपेक्षित नाहीय इथे....

प्रत्येक ओळ स्वतंत्र वाचून पहा...:-)

-सुप्रिया.

Submitted by सुप्रिया जाधव. on 25 September, 2012 - 04:49

तुझी अबोलीची रात्र
माझं मनवण्याच सत्र
----- वा!
देऊ नकोस काहीही ऐवजी फक्त देऊ नकोस 'काही' कसे वाटेल?

जयन्ता५२

Submitted by जयन्ता५२ on 29 September, 2012 - 09:51

वोव! धन्स देवकाका....आणी सॉरी तुमच्या वामकुक्षीच खोबरं झाल म्हणून Sad

वर्षू नील,
बागेश्री ,

जयन्त कुलकर्णीकाका,

'काही' चचं 'काहीही' केलय! Happy

धन्स मंडळी.

-सुप्रिया.

Submitted by सुप्रिया जाधव. on 29 September, 2012 - 10:16